تربیت اولاد کی تاء ” تربیت“ ایک ایسا لفظ ہے جو دل و دماغ اور ذہن میں آتے ہی جب زبان سے باہر اُترتا ہے تو انسان کے وجود کو پکار کر اَور اُسے مخاطب کر کے فیملی اور خاندان کے کوریڈور سے راستہ بناتے ہوئے اور اُس میں موجود ہر مرد ،خاتون اور چھوٹے،بڑے […]
مزید پڑھیں
حضرت مسیح موعود علیہ السلام فرماتے ہیں :
” خدا کی ربُوبیّت یعنی نوع انسان اور غیر انسان کا مربّی بننا اور ادنیٰ سے ادنیٰ جانور کو بھی اپنی مربّیانہ سیرت سے بے بہرہ نہ رکھنا۔ یہ ایک ایسا امر ہے اگر ایک خدا کی عبادت کا دعویٰ کرنے والا خدا کی اس صفت کو محبت کی نظر سے دیکھتا ہے اور اس کو پسند کرتا ہے، یہاں تک کہ کمال محبت سے اس الٰہی سیرت کا پرستار بن جاتا ہے تو ضروری ہوتا ہے کہ وہ آپ بھی اس صفت اور سیرت کو اپنے اندر حاصل کر لے تاکہ اپنے محبّ کے رنگ میں آ جائے۔“
(تفسیر حضرت مسیح موعود علیہ السلام، جلد اوّل صفحہ 186)
حضرت مسیح موعود علیہ السلام فرماتے ہیں :
” وہ ذات جو مُتصَرّف مطلق اور عِلّتُ العلل اور تمام فیوض کا مبدء ہے جس کا نام قرآن شریف کی اصطلاح میں اللہ ہے “
(روحانی خزائن جلد 1صفحہ 429حاشیہ نمبر 11)
حضرت معاذ رضی اللہ تعالیٰ عنہ بیان کرتے ہیں کہ ایک دفعہ آنحضرت صلی اللہ علیہ وسلم نے ان کا ہاتھ پکڑا اور فرمایا :
معاذ! خدا تعالیٰ کی قسم! مجھے تم سے محبت ہے۔ مَیں تجھے تاکید کرتا ہوں کہ کسی نماز کے بعد یہ دعا چھوٹنے نہ پائے۔
اَللّٰھُمَّ اَعِنِّیْ عَلٰی ذِکْرِکَ وَشُکْرِکَ وَحُسْنِ عِبَادَتِکَ
اے میرے اللہ! میری مدد فرما کہ تیرا ذکر کروں، تیرا شکر ادا کروں اور عمدگی سے تیری عبادت بجالاؤں۔
(ابو داؤد کتاب الصلوٰۃ باب فی الاستغفار)
حضرت مصلح موعود رضی اللہ عنہ فرماتے ہیں:
"جماعت کے دوست اپنے ہاتھ سے کام کی عادت ڈالیں۔ مَیں نے دیکھا ہے اکثر لوگ اپنے ہاتھ سے کام کرنا ذلّت سمجھتے ہیں حالانکہ یہ ذلّت نہیں بلکہ عزّت کی بات.ہے۔‘‘
(تحریک جدید ۔ ایک الٰہی تحریک جلد اوّل صفحہ 71)
حضرت المسیح الرابع رحمہ اللہ فرماتے ہیں:
’’غَزْوَهِ یا سَرِیہ سے بعض لوگ غلطی سے جنگ مراد لے لیتے ہیں لیکن یہ خیال لاعلمی کے نتیجہ میں پیدا ہوتا ہے۔غزوہ سے مراد محض ایسی مہم ہے جس میں رسول اللہ صلی اللہ علیہ وسلم بنفس نفیس شریک ہوئے۔ خواہ لڑائی ہو، چور ڈاکو کا تعاقب ہو یا دیکھ بھال کے لئے کوئی پارٹی باہر جائے وغیرہ وغیرہ۔اسی طرح سریّہ سے مراد بھی مہمات ہی ہیں۔ فرق صرف یہ ہے کہ سریّہ میں رسول اللہ صلی اللہ علیہ وسلم شامل نہیں ہوئے۔اس کے علاوہ تبلیغی سفر بھی غزوہ اور سریّہ میں شمار ہوتے ہیں اور کسی صحابی کی انفرادی مہم بھی سریّہ ہی کہلاتی ہے۔ چنانچہ اُس دَور میں کل پچاس غزوات وسرایا ہوئے جن میں سے جنگ کہلانے کے مستحق صرف تین ہیں: جنگِ اُحد، جنگِ بدر اور جنگِ احزاب‘‘
(مذہب کے نام پر خون صفحہ47)
حضر ت مسیح موعود علیہ السلام فرماتے ہیں :
” یعنی ایسے لوگ ہونے چاہئیں جو تفقّہ فی الدین کریں یعنی جو دین آنحضرت صلی اللہ علیہ وسلم نے سکھایا ہے اس میں تفقّہ کرسکیں ۔ یہ نہیں کہ طوطے کی طرح یاد ہو اور اس میں غورو فکر کی مطلق عادت اور مذاق ہی نہ ہو۔ اس سے وہ غرض حاصل نہیں ہوسکتی جو آنحضرت صلی اللہ علیہ وسلم چاہتے تھے …لیکن چونکہ سب کے سب ایسے نہیں ہوسکتے اس لیے یہ نہیں فرمایا کہ سب سے سب ایسے ہوجائیں بلکہ یہ فرمایا کہ ہر جماعت اور گروہ میں سے ایک ایک آدمی ہو اور گویا ایک جماعت ایسے لوگوں کی ہونی چاہیے جو تبلیغ اور اشاعت کا کام کرسکیں ۔ اس لیے بھی ہر شخص ایسی طبیعت اور مذاق کا نہیں ہوتا۔ “
( الحکم جلد 10 نمبر 2 مورخہ 17 جنوری 1906 ء صفحہ 4)
حضرت خلیفۃ المسیح الثانی رضی اللہ عنہ نے سورۃ المزمّل آیت 21کے تحت فٹ نوٹ میں تحریر فرمایا ہے :
”بعض راتیں بہت چھوٹی ہوتی ہیں ۔ اُن میں رات کا صرف تھوڑا سا حِصّہ صحت کو مدّنظر رکھتے ہوئے جاگا جاتا ہے لیکن فرماتا ہے جب دن کے برابر راتیں ہوں تو نصف رات جاگا کرو اور نصف سویا کرو اور جب لمبی راتیں ہوں تو زیادہ حِصّہ رات کو جاگا کرو اور تھوڑا حِصّہ سویا کرو اور جب جاگو تو اس میں قرآن کی تلاوت کیا کرو۔ “
حضرت مسیح موعود علیہ السلام نے ایک دن کو جو ہزار سال کے برابر قرار دیا گیا ہے ۔ اس کے متعلق فرماتے ہیں :
” ایک دن خدا کے نزدیک تمہارے ہزار سال کے برابر ہے پس جب خداتعالیٰ کی کلام سے معلوم ہوتا ہے کہ دن سات ہیں پس اس سے یہ اشارہ نکلتا ہے کہ انسانی نسل کی عمر سات ہزار سال ہے جیساکہ خدا نے میرے پر ظاہر کیا ہے کہ سورۃ العصر کے عدد جس قدر حساب جمل کی روسے معلوم ہوتے ہیں اسی قدر زمانہ نسلِ انسان کا آنحضرت صلی اللہ علیہ وسلم کے عہدِ مبارک تک بحساب قمری گزر چکا تھا کیونکہ خدا نے حساب قمری رکھا ہے اور اس حساب سے ہماری اس وقت تک نسلِ انسانی کی عمر چھ ہزار برس تک ختم ہوچکی ہے اور اب ہم ساتویں ہزار میں ہیں اور یہ ضرور تھا کہ مثیلِ آدم جس کو دوسرے لفظوں میں مسیح موعود کہتے ہیں چھٹے ہزار کے آخر میں پیدا ہو جو جمعہ کے دن کے قائم مقام ہے جس میں آدم پیدا ہوا اور ایسا ہی خدا نے مجھے پیدا کیا پس اس کے مطابق چھٹے ہزار میں میری پیدائش ہوئی اور یہ عجیب اتفاق ہوا کہ میں معمولی دنوں کی رو سے بھی جمعہ کے دن پیدا ہواتھا۔“
( حقیقۃ الوحی ، روحانی خزائن جلد 22صفحہ 457-458)
حضرت مسیح موعودعلیہ السلام نے سورۃ البقرہ آیت 262 کی تفسیر میں فرماتے ہیں :
” یعنی خدا کی راہ میں جو لوگ مال خرچ کرتے ہیں، ان کے مالوں میں خدا اس طرح برکت دیتا ہے کہ جیسے ایک دانہ جب بویا جاتا ہے تو گووہ ایک ہی ہوتا ہے، مگر خدا اس میں سے سات خوشے نکال سکتا ہے اور ہر ایک خوشے میں سو دانے پیدا کر سکتا ہے۔ یعنی اصل چیز سے زیادہ کر دینا یہ خدا کی قدرت میں داخل ہے اور درحقیقت ہم تمام لوگ خدا کی اسی قدرت سے ہی زندہ ہیں۔ اگر خدا اپنی طرف سے کسی چیز کو زیادہ کرنے پر قادر نہ ہوتا تو تمام دنیا ہلاک ہو جاتی اور ایک جاندار بھی روئے زمین پر باقی نہ.رہتا۔“
(چشمہ معرفت، روحانی خزائن جلد 23 صفحہ 170۔ 171)
