وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت اَلْحَلِيْمُ (تقریر نمبر 13)

حضرت خلیفۃ المسیح الخامس ایدہ اللہ تعالیٰ بنصرہ العزیز فرماتے ہیں:
’’ اللہ تعالیٰ کے فوری طور پر کسی جرم میں نہ پکڑنے کی بڑی حکمت ہے۔ جس طرح نیک لوگوں میں سے بد پیدا ہو جاتے ہیں یا ہو سکتے ہیں اِسی طرح بدوں میں سے نیک بھی پیدا ہوتے ہیں۔ آنحضرت صلی اللہ علیہ وسلم نے اللہ تعالیٰ کی اس صفت حلیم کو خوب سمجھا ہے تبھی تو طائف کے سفر میں اللہ تعالیٰ کی طرف سے اس بدقماش قوم کو ختم کرنے کے لئے کہنے پر آپؐ نے اس حلیم کا پرتَو بنتے ہوئے عرض کی کہ اے اللہ! مَیں امید کرتا ہوں کہ ان کی نسل میں سے تیری عبادت کرنے والے پیدا ہوں گے اور تجھ سے دعا بھی کرتا ہوں اور تُو میری اس دعا کو قبول کر اور پھر اس قوم میں سے دنیا نے دیکھا کہ ایک خدا کی عبادت کرنے والے پیدا ہوئے۔ وہ جو آپؐ کی جان لینا چاہتےتھے، ان کی زندگی کا مقصد ہی یہ تھا کہ نعوذ باللہ آنحضرت صلی اللہ علیہ وسلم کی جان لیں۔ وہی آپؐ پر اپنی جانیں نثار کرنے والے بن گئے۔ پس اللہ تعالیٰ کی ڈھیل میں بڑی حکمت ہے۔ اللہ تعالیٰ نے یہ نہیں فرمایا کہ مَیں ان کا حساب نہیں لوں گا بلکہ مؤاخذہ میں ڈھیل ہے اور فرمایا جب مؤاخذہ کا وقت آئے گا تو پھر اس کو کوئی ٹال نہیں سکتا۔‘‘
(خطبہ جمعہ فرمودہ 14مارچ 2008ء)

مزید پڑھیں

وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت وہاب (تقریر نمبر12   )

حضرتِ خلیفۃُ المسیح الخامس ایدہ اللہ فرماتے ہیں:
’’ اس آیت میں اللہ تعالیٰ کی صفت وَہّاب کا واسطہ دے کر اپنے دین کی مضبوطی کی دعا مانگی گئی ہے.. . اس جامع دعا میں صرف اللہ تعالیٰ کے فضل اور رحمت سے محروم نہ رہنے کی دعا ہی نہیں سکھائی بلکہ یہ دعا ایک مومن بندے کو سکھائی کہ اس ہدایت پر ہم صرف قائم ہی نہ رہیں بلکہ یہ دعا کریں کہ اپنی طرف سے رحمت عطا کر، اپنی اس رحمت کی چادر میں لپیٹ لے جو ہمیشہ ہر شر سے محفوظ رکھے اور ہمارے ایمان میں اضافہ کرتی رہے۔ ہم ایمان میں ترقی کرتے رہیں، ہم ایقان میں ترقی کرتے رہیں، ہم تقویٰ میں ترقی کرتے رہیں، ہمارا ہر آنے والا دن ہمیں ایمان اور تقویٰ میں گزشتہ دن سے آگے بڑھانے والا ہو۔
پس یہ خوبصورت دعا ہمیشہ ہر احمدی کا روزمرہ کا معمول ہونا چاہئے اور اگر حقیقی رنگ میں یہ ہمارا معمول ہو گی تو ہم اپنی کمزوریوں پر نظر رکھنے میں بھی شعوری کوشش کرنے والے ہوں گے۔ اپنی عبادتوں کی طرف بھی دیکھنے والے ہوں گے۔ اپنی عبادتوں اور نمازوں کی حفاظت کرنے والے ہوں گے اور نتیجۃً نمازیں بھی ہماری حفاظت کر رہی ہوں گی۔ ایسے اعمال بجا لانے کی کوشش کرنے والے ہوں گے جو اللہ تعالیٰ کی نظر میں پسندیدہ اعمال ہیں کیونکہ یہی اعمال ایمان میں اضافے کا باعث بنتے ہیں، ہدایت پر قائم رکھنے والے ہوتے ہیں ۔‘‘
(الفضل انٹرنیشنل 12 دسمبر تا 18 دسمبر 2008ء)

مزید پڑھیں

وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت اَلْمُہَیْمِنْ (تقریر نمبر 11 )

حضرت مسیح موعود علیہ الصلوٰۃ والسلام فرماتے ہیں :
’’ وہ میزان مُہَیْمِن، نور اور شفا اور رحمت ہے۔ جو لوگ قرآن شریف کو پڑھتے اور اسے قصّہ سمجھتے ہیں انہوں نے قرآن شریف نہیں پڑھا بلکہ اس کی بے حرمتی کی ہے۔ ہمارے مخالف کیوں ہماری مخالفت میں اس قدر تیز ہوئے ہیں؟ صرف اسی لئے کہ ہم قرآن شریف کو جیسا کہ خداتعالیٰ نے فرمایا ہے وہ سراسر نور، حکمت اور معرفت ہے، دکھانا چاہتے ہیں اور وہ کوشش کرتے ہیں کہ قرآن شریف کو ایک معمولی قصّے سے بڑھ کر وقعت نہ دیں۔ ہم اس کو گوارا نہیں کر سکتے۔ خداتعالیٰ نے اپنے فضل سے ہم پر کھول دیا ہے کہ قرآن شریف ایک زندہ اور روشن کتاب ہے، اس لئے ہم ان کی مخالفت کی کیوں پروا کریں۔ غرض مَیں بار بار اس امر کی طرف ان لوگوں کو جو میرے ساتھ تعلق رکھتے ہیں نصیحت کرتا ہوں کہ خداتعالیٰ نے اس سلسلہ کو کشف حقائق کے لئے قائم کیا ہے کیونکہ بدُوں اس کے عملی زندگی میں کوئی روشنی اور نور پیدا نہیں ہو سکتا اور مَیں چاہتا ہوں کہ عملی سچائی کے ذریعہ اسلام کی خوبی دنیا پر ظاہر ہو جیسا کہ خدا نے مجھے اس کام کے لئے مامور کیا ہے۔ اس لئے قرآن.شریف کو کثرت سے پڑھو مگر نرا قصّہ سمجھ کر نہیں بلکہ ایک فلسفہ سمجھ کر۔ ‘‘
(ملفوظات جلد دوم صفحہ 113۔ جدید ایڈیشن مطبوعہ ربوہ)

مزید پڑھیں

وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت اَلْخَبَیْرُ (تقریر نمبر 10)

حضرت خلیفۃ المسیح الاوّل رضی اللہ عنہ فرماتے ہیں :
’’ اللہ تعالیٰ ادنیٰ واعلیٰ سب باتوں سے باخبر ہے۔ علمِ الٰہی پر ایمان لانے سے نیکی پیدا ہوتی ہے۔ جب انسان کو یہ یقین ہو کہ کوئی بڑا شخص مجھے دیکھ رہاہے توپھر وہ بدی کرنے سے رُکتاہے۔ پھر اپنے بزرگوں، افسروں، حاکموں کے سامنے بدی کرنے سے اَور بھی رُکتاہے۔ ایسا ہی جس کویہ ایمان ہو کہ اللہ تعالیٰ ہمارے تمام افعال، حرکات وسکنات کو دیکھتا ہے اور ہمارے دل کے خیالات اور ارادات سے بھی باخبرہے۔ وہ شخص کبھی بدی کے نزدیک نہیں جا سکتا۔ ‘‘
(حقائق الفرقان جلد 3 صفحہ 367)

مزید پڑھیں

وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت اَلْبَصِيرُ (تقریر نمبر 9 )

حضرت خلیفۃ المسیح الاوّلؓ فرماتے ہیں کہ
’’ واللّٰهُ بَصِيرٌ بِالْعِبَادِ ۔ انسان نگرانی میں غلطی بھی کرتا ہے مگر اللہ تعالیٰ بہت عمدہ نگران حال ہے۔ “
(حقائق الفرقان صفحہ13سورۃ اٰل عمران ایڈیشن2022 ء )

مزید پڑھیں

وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت اَلْحَسِیْب (تقریر نمبر 8 )

حضرت مسیح موعود علیہ السلام فرماتے ہیں کہ:
’’ جو خدا کا متقی اور اس کی نظر میں متقی بنتا ہے۔اس کو خدا تعالیٰ ہر ایک قسم کی تنگی سے نکالتا اور ایسی طرز سے رزق دیتا ہے کہ اُسے گمان بھی نہیں ہوتا کہ کہاں سے اور کیونکر آتا ہے۔ خدا کا یہ وعدہ برحق ہے اور ہمارا ایمان ہے کہ خدا اپنے وعدوں کا پورا کرنے والا ہے اور بڑا رحیم کریم ہے۔ جو اللہ تعالیٰ کا بنتا ہے وہ اسے ہر ذلّت سے نجات دیتا اور خود اس کا حافظ وناصر بن جاتا ہے…حضرت داوٴدؑ زبور میں فرماتے ہیں کہ مَیں بچہ تھا، جوان ہوا۔ جوانی سے اب بڑھاپا آیا مگر مَیں نے کبھی کسی متقی اور خدا ترس کو بھیک مانگتے نہ دیکھا اور نہ اس کی اولاد کو دَر بدر دھکے کھاتا اور ٹکڑے مانگتے دیکھا۔ یہ بالکل سچ اور راست ہے کہ خدا اپنے بندوں کو ضائع نہیں کرتا اور ان کو دوسروں کے آگے ہاتھ پِسارنے سے محفوظ رکھتا ہے بھلا اتنے جو انبیاء ہوئے ہیں، اولیاء گزرے ہیں۔ کیا کوئی کہہ سکتا ہے کہ وہ بھیک مانگا کرتے تھے۔ یا ان کی اولاد پر یہ مصیبت پڑی ہو کہ وہ دَر بدر خاک بسر ٹکڑے کے واسطے پھرتے ہوں ہرگز نہیں۔ میرا تو اعتقاد ہے کہ اگر ایک آدمی با خدا اور سچا متقی ہو تو اس کی سات پشت تک بھی خدا رحمت اور برکت کا ہاتھ رکھتا اور ان کی خود حفاظت فرماتا ہے۔ ‘‘
(ملفوظات جلد 3صفحہ182)

مزید پڑھیں

وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت اَلْمُعِزّ ، اَلْمُذِلُّ (تقریر نمبر 7)

حضرت خلیفۃ المسیح الاوّل رضی اللہ عنہ فرماتے ہیں کہ
’’ انسان چاہتا ہے کہ دنیا میں معزّز اور محترم بنے لیکن حقیقی عزّت اور سچی تکریم خدا تعالیٰ سے آتی ہے وہی ہے جس کی یہ شان ہے تُعِزُّ مَنْ تَشَاءُ وَتُذِلُّ مَنْ تَشَاءُ ۔‘‘
(حقائقُ الفرقان جلداوّل صفحہ 460)

مزید پڑھیں

وَلِلّٰہِ الْاَسْمَاءُ الْحُسْنٰی فَادْعُوْہُ بِہَا اللہ تعالیٰ کی صفت مالک (تقریر نمبر 6)

حضرت مسیح موعود علیہ السلام فرماتے ہیں:
’’ چوتھا احسان خداتعالیٰ کا جو قِسم چہارم کی خوبی ہے جس کو فیضان اخصّ سے موسوم کر سکتے ہیں، مالکیّتِ یَوْمُ الدّین ہے جس کو سورۃ فاتحہ میں فقرہ مَالِکِ یَوْمِ الدِّیْن میں بیان فرمایا گیا ہے اور اس میں اور صفتِ رحیمیّت میں یہ فرق ہے کہ رحیمیّت میں دعا اور عبادت کے ذریعہ سے کامیابی کا استحقاق قائم ہوتا ہے اور صفت مالکیّتِ یَوْمُ الدّین کے ذریعہ سے وہ ثمرہ عطا کیا جاتا ہے۔‘‘
(ایام الصلح، روحانی خزائن جلد 14 صفحہ 250)

مزید پڑھیں

اطرافُ الارض (اَطرَاف،اقطاراور آفاق کے الفاظ) (تقریر نمبر 3)

حضرت مسیح موعود علیہ السلام فرماتے ہیں:
’’ طاعون کے متعلق بعض لوگ اعتراض کرتے ہیں کہ اکثر غریب مرتے ہیں اور امراء اور ہمارے بڑے بڑے مخالف ابھی تک بچے ہوئے ہیں۔ سنت اللہ یہی ہے کہ ائمۃ.الکفر اخیر میں پکڑے جایا کرتے ہیں۔ چنانچہ حضرت موسیٰ کے وقت جس قدر عذاب پہلے نازل ہوئے اُن سب میں فرعون بچا رہا۔ چنانچہ قرآنِ شریف میں بھی آیا کہ اَنَّا نَاۡتِی الۡاَرۡضَ نَنۡقُصُہَا مِنۡ اَطۡرَافِہَا یعنی ابتداء عوام سے ہوتا ہے اور پھر خواص پکڑے جاتے ہیں۔ اور بعض کے بچانے میں اللہ تعالیٰ کی یہ حکمت بھی ہوتی ہے کہ انہوں نے آخر میں توبہ کرنی ہوتی ہے یا ان کی اولاد میں سے کسی نے اسلام قبول کرنا ہوتا ہے۔“
(ملفوظات جلد دوم صفحہ200-201)

مزید پڑھیں

اطراف الارض (یَمِیۡنٍ وَّشِمَالٍ) (تقریر نمبر 2)

سورۃ الکہف کی آیت 19 میں یَمِیۡنُ وشِمَال کے الفاظ کی تشریح میں حضرت مصلح موعود رضی اللہ عنہ فرماتے ہیں :
”(ان) میں بتایا ہے کہ اِن کو آئندہ زمانہ میں ہم دنیا پر پھیلانے والے ہیں۔ وہ وقت ان کی بیداری کا ہوگا…اگر تجھےاِن کا علم ہو تو تُو اِن سے مرعوب ہوجائے گا۔ اس کا تعلق اس وقت سے ہے جبکہ ان کو شمال اور جنوب میں پھیلا دیا جائے گا چنانچہ دیکھ لو۔ اس وقت اِن شمالی قوموں کا کس قدر رُعب ہے۔ دنیا کی دوسری حکومتیں اگر کوئی ہیں تو اُن کے رحم پر ہیں اور اِن کا رُعب سب دنیا پر چھایا ہوا ہے۔ “
( تفسیر کبیر جلد 4 صفحہ 432)

مزید پڑھیں