برگِ سبز است تحفۂ درویش

ہر چھوٹی اور نئی چیز جہاں پیاری ہوتی ہے اور پیاری لگتی ہے وہاں وہ ننھی مُنّی اشیاء دوسروں کی نسبت پیار بھی زیادہ لیتی ہیں اور اِن کی دیکھ بھال، نشوونما، پروان چڑھنے اور پالنے پوسنے کی طرف توجہ بھی بہت دی جاتی ہے۔ جیسے نرسری سےلایا ہوا ننھا سا پودا اور بڑے پودے پر پھلوں اور پھولوں کی خوبصورت کونپلیں وغیرہ خوبصورت دکھائی دیتی ہیں ۔ نرسری کی بات چلی ہے تو خاندان کی نرسری سے لڑکی بیاہ کر ایک اور خاندان کی نرسری کی زینت بنانا اور اِس کا نئی جگہ پر نشوونما پانا بھی ایک محنت طلب کام ہے ۔ ہم روزانہ ہی دیکھتے ہیں کہ پودوں، پھولوں کی نرسریوں اور گھروں میں ننھےمُنّے پودوں اور جن کی کونپلیں نکل رہی ہوں اُن پودوں کی پرورش کی طرف باغبان زیادہ توجہ دیتا ہے۔ وہ مناسب پانی دے رہا ہوتا ہے۔ مناسب کھاد ڈالتا ہے اور اگر وہ گملوں میں ہیں تو دھوپ سے بچا کر چھاؤں میں رکھتا ہے اور اگر زمین پر ہیں تو اُن پر ترپال وغیرہ ڈال کر دھوپ کی تپش اور سورج کی حدّت سے اُنہیں بچاتا ہے اور اِن ننھے مُنّے  اور نئے نویلے پودوں کی طرف دوسرے پودوں کی نسبت زیادہ توجہ دے رہا ہوتا ہے۔

 یہی کیفیت اولاد میں خواہ وہ جسمانی ہو یا روحانی مادی ، پودوں کی نسبت زیادہ خوبصورت دکھنے کو ملتی ہے اور ہم خاندان کے مادی لوگ یا روحانی و دینی خاندان کے افراد اپنی اِن نئی نویلی کونپلوں اورکلیوں سے جہاں انجوائے بھی کر رہے ہیں۔ اُن کو دیکھ کر خوش بھی ہوتے ہیں۔ اُن کی حرکات.وسکنات ہم کو طراوت پہنچا رہی ہوتی ہیں وہاں ہم اُن کی دیکھ بھال، اُن کی مادّی اور روحانی پرورش اور اُن کی غذا کی طرف بھی بھرپور توجہ دے رہے ہوتے ہیں۔ گھروں کے پودے کمزور پڑجائیں ،بیمار ہوں تو فوراً مالی یا باغبان  کو بُلوا کر مشورہ کیا جاتا ہے اِسی طرح گھروں میں پلنے والے نَونِہالَان بیمار ہوں تو ڈاکٹرز یا چائلڈ سپیشلسٹ سے مشورہ کیا جاتا ہے ۔ روحانی دنیا میں  اِن نَونِہالَان  کو جماعتی تنظیموں جیسے مجلس اطفال الاحمدیہ، ناصراتُ الاحمدیہ یا شعبہ وقفِ  نَو کے سپرد کیا جاتا ہے۔ اِنہیں قرآن کریم کی تلاوت کرنے ،اُس کا ترجمہ سیکھنے اور دیگر تربیتی و علمی کتب اور جماعتی رسائل کے مطالعہ کی طرف توجہ دلائی جاتی ہے۔ جماعت احمدیہ نے اور نَونِہالَان سے تعلق رکھنے والے جماعتی شعبوں نے بچوں کی تعلیم و تربیت اور نیکی و تقویٰ کے میدان میں پروان چڑھنے اور چڑھانے کے لیے بچوں کی کتب اور رسائل کا انتظام کر رکھا ہے۔ جن کا مطالعہ لازماً روحانی و دینی معنوں میں بچوں کی پرورش کے لیے ممِدّ ثابت ہوتا ہے۔ روزنامہ الفضل آن لائن لندن نے بچوں کی تقاریر کے عنوان سے 31 تقاریر جمع کر کے شائع کر رکھی ہیں جو مختلف عناوین کا گلدستہ تو ہے ہی۔ دینی غذا بھی ہے۔ ”مشاہدات “ نے 50 تقاریر کا مجموعہ تیار کیا ہے جس کے لیے یہ پیش لفظ لکھا جا رہا ہے ۔اس کی جلددوم پر  بھی کام ہو رہا ہے۔

اس کتاب میں موجود  تقاریر کی تیاری و کمپوزنگ اور پھر کتابی صورت میں آپ کے سامنےپیش.کرنے میں جن احباب و خواتین  کا تعاون حاصل رہا  اُن میں مسز عائشہ چوہدری۔ جرمنی، مسزعطیۃُ.العلیم۔ ہالینڈ،  مسززکیہ فردوس کوملؔ ۔ برطانیہ، مسز بُقعۃُ النورعمران۔ جرمنی، عزیزم.منہاس محمود۔ جرمنی، عزیزم.زاہد محمود ، عزیزم عامر محمود ملک۔ برطانیہ، عزیزم سعیدالدین احمد ۔ برطانیہ ، عزیزم فضل عمر شاہد۔ لٹویا ، مکرم نصیراحمد چوہدری شامل ہیں۔ ان کے علاوہ جن احباب کے مضامین سے تقاریر کی تیاری کے دوران استفادہ کیا گیا   اور جنہوں نے ان تقاریر کو دوسروں تک پہنچایا وہ بھی شکریہ کے مستحق ہیں۔ جزاکم اللّٰہ خیراً

خدمتِ دین کو اک فضلِ الٰہی جانو
اس کے بدلہ میں کبھی طالبِ انعام نہ ہو
دل میں ہو سوز تو آنکھوں سے رواں ہوں آنسو
تم میں اسلام کا ہو مغز فقط نام نہ ہو
عادتِ ذکر بھی ڈالو کہ یہ ممکن ہی نہیں
دل  میں ہو عشقِ صنم لب پہ مگر نام نہ ہو
جو صداقت بھی ہو تم شوق سے مانو اس کو
علم کے نام سے پرتابعِ اوہام نہ ہو
بھولیو مت کہ نزاکت ہے نصیبِ نسواں
مرد وہ ہے جو جفاکش ہو گلِ اندام نہ ہو

 امید ہے یہ  مجموعہ جماعت کے بچوں اور بچیوں کے لیے مفید مائدہ ثابت ہوگا۔ان شاء اللّٰہ

”مشاہدات“ کی 29 ویں کاوش  پیشِ خدمت میں ہے۔

 رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

۔خاکسار

۔۔۔ابوسعیدحنیف احمد محمود

۔۔۔۔مربّی سلسلہ حال برطانیہ

۔۔۔۔۔ ( شاہد۔ عربی فاضل)

(سابق ایڈیٹر روز نامہ الفضل  ربوہ و الفضل آن لائن لندن و نائب ناظر اصلاح و ارشاد مرکزیہ)

۔۔۔۔۔10؍نومبر 2025ء

ویب سائیٹ:             www.mushahedat.com

فون نمبر:                  +44 73 7615 9966

ای میل:                    hanifahmadmahmood@hotmail.com

---

انڈیکس

نمبر شمار	مشاہدات	عنوان	صفحہ
1	985	”خداتعالیٰ کہنے میں بڑی برکات ہیں“	1
2	156	آنحضورصلی اللہ علیہ وسلم کی بچوں کو نصائح	7
3	251	رحمۃ للعالمینؐ اور عالَمِ اَطفال	16
4	81	آنحضورصلی اللہ علیہ وسلم  کا بچوں کے ساتھ شفقت و محبت بھرا سلوک	27
5	303	قرآنِ کریم میری زندگی کا نُور ہے	34
6	549	اللہ میاں کا خط ہے جو میرے نام آیا	39
7	323	حضرت مسیح موعودؑ کا بچوں سے پیار و شفقت اور اُن کی تعلیم و تربیت	44
8	294	خلیفہ خدا بناتا ہے	52
9	237	خلفائے احمدیت کی بچوں سے شفقتیں اور حسنِ سلوک	56
10	981	اطاعت کے ذریعہ پراگندہ موتیوں کا اجتماع	68
11	951	نَونِہالانِ جماعت	72
12	539	احمدی بچوں کا مقام اور ان کے فرائض	78
13	322	ایک احمدی مسلم بچے کی ذمہ داریاں	83
14	169	ہم چھوٹی لجنہ،ناصرات الاحمدیہ کے فرائض	87
15	16	میں دین کو دنیا پر مقدم رکھوں گی	95
16	20	ہیں دیں کی ناصرات ہم،بہار کائنات ہم	103
17	292	مَیں اچھے اخلاق کے ذریعہ اسلام کی تبلیغ کیسے کر سکتی ہوں	107
18	30	میں اپنا ناصرات کا عہد کیسے پورا کر سکتی ہوں؟	111
19	96	اطفال کا وعدہ اور بچوں کی ذمہ داریاں	116
20	301	نماز میری آنکھوں کی ٹھنڈک ہے	124
21	953	مساجد کے آداب	129
22	297	ذاتی اصلاح کی اہمیت اور طریقے	133
23	973	وَاجۡتَنِبُوۡا قَوۡلَ الزُّوۡرِ	137
24	100	جھوٹ سے اجتناب	151
25	958	اسلام کا ایک بنیادی وصف ۔ سچائی	158
26	952	نازک ترین معاملہ زبان سے ہے(مسیح موعودؑ)	162
27	295	اچھی بات کہو یا خاموش رہو	166
28	954	فضول چیزوں سے اجتناب	170
29	955	آؤ بچو! لغویات سے کیسے بچیں؟	176
30	972	عہد شکنی نہ کرو	183
31	957	غصّہ پر قابو پانا	188
32	11	اَلْحَیَاءُ مِنَ الْایْمَانِ	194
33	177	تعلیمی اداروں میں پردہ کا معیار (از ارشادات حضرت خلیفۃ المسیح الخامس ایدہ اللہ تعالیٰ)	199
34	357	مدَّرز ڈے(Mother’s day)	214
35	28	اَلْجَنَّۃُ تَحْتَ اَقْدَامِ الْاُمَّہَاتِ	221
36	976	سچّے احمدی کی  ماں ۔ زندہ باد	229
37	73	اچھے احمدی کی اچھی ماں ۔زندہ باد	238
38	159	آنحضور صلی اللہ علیہ وسلم کی والدین کو بچوں سے دوستانہ تعلق کی تعلیم	246
39	988	”صحبت۔ خدمت اور صبر“	258
40	34	والدین سے حسن سلوک	264
41	307	اے میرے ربّ! میرے علم میں اضافہ فرما	272
42	971	عِلم کی شمع سے ہو مجھ کو محبّت یاربّ!	277
43	296	اچھے دوست بنانے کی اہمیت	281
44	956	کھانے کے آداب	287
45	977	اسپورٹس مَین سَپِرٹ	291
46	978	ہمیشہ مسکراتے رہو	295
47	980	ہمسایوں سے حسن سلوک	300
48	53	واقفین نو کو اپنے اندر اسماعیلی صفات پیدا کرنی ہوں گی	305
49	304	ہم اللہ تعالیٰ سے تعلق کیسے مضبوط کر سکتے ہیں؟	313
50	646	ہم واقفینِ/ واقفاتِ نو اچھے  مقرر کیسے بن سکتے ہیں؟	318

مکمل کتاب پڑھنے کے لئے کلک کریں