اخلاقیات-ایک کھلی کتاب

خُلق جس کی جمع اَخلاق ہے جس کے معنی عمدہ و پسندیدہ عادات، اچھے خصائل اور اسلامی خوبیوں کے ہیں۔ وہ علم اور طریق جن کے ذریعے تعلیم و تربیت و اصلاحِ نفس و معاشرہ کے دستور اپنائے جاتے ہیں اُسے علم.الاَخلاق یا اخلاقیات کہا جاتا ہے۔ یہ علم یا اخلاقیات  کے شعبہ کا دائرہ اتنا وسیع ہے کہ یہ انسان، سوسائٹی، معاشرہ اور خاندان و فیملی پر برابری  کی سطح پر لاگو ہوتا ہے اور غور کریں تو یہ علم جانور جو شعور نہیں رکھتے بھی اپنے اوپر لاگو کرتے ہیں۔ ہم متعدد مرتبہ ٹی وی پر بالخصوص نیشنل جغرافک ٹی وی پر دیکھتے ہیں کہ پالتو جانور خطرے سے اپنے مالک کو آگاہ کر کے محفوظ مقام پر لے جاتا ہے اور بسا اوقات اپنے مالک کو ڈوبنے سے بھی بچا لیتا ہے۔ مَیں نے بے شمار دفعہ بلی کو چھوٹے جانوروں کو پانی سے نکالتے اور انہیں محفوظ کرتے دیکھا ہے۔

 جہاں تک انسان سے متعلقہ سوسائٹی یا معاشرے یا کلبز، ٹیمز اور محلہ میں بسنے والے لوگوں کا تعلق ہے تو جب وہ ابتدائی حالت میں ابھی نمودار ہو رہی ہوتی ہے تو اس کے قواعد و قوانین بنائے جاتے ہیں۔ انسان کو باخدا انسان بنانے کے جو اصول و ضوابط قرآن و احادیث اور موجودہ زمانے کے امام اور خلفائے کرام نے وضع کیے ہیں وہ اخلاقیات ہی کہلاتے ہیں۔ بےشعور جانور اور باشعور انسان میں جو تمیز اللہ تعالیٰ نے کی ہے۔  اُسے قرآن میں” اَحْسَنِ تَقْوِیْم“ کے الفاظ میں یاد کیا گیا اور ہم جانور  اور انسان کی اس تمیز کو ”اشرفُ المخلوقات“ کے لفظ سے نمایاں کرتے ہیں۔اخلاقیات کی عمارت کی تعمیر کا یہ سفر انسان کی پیدائش سے شروع ہو کر تادمِ مرگ جاری رہتا ہے اور اِس دورانیے میں اخلاقیات کی تعمیر میں خاندان اور فیملی میں بڑے چھوٹے  سبھی لوگ ہاتھ ڈال رہے ہوتے ہیں بالخصوص والدین، بہن بھائی اور مشترکہ خاندانی نظام میں بسنے والے تمام بڑے حصے دار ہوتے ہیں۔ جماعت احمدیہ میں بچہ جب گھر کی دہلیز پر قدم رکھتا ہے تو جماعت احمدیہ کی ذیلی تنظیمیں اُس کی تربیت اور اخلاق کو سنوارنے کی ذمہ داری لے لیتی ہیں۔ پھر یہ اخلاقیات اساتذہ اور امام الصلوۃ کے ذریعہ بھی سدھرتے ہیں۔ جماعت احمدیہ میں خلافت کا ایسا مبارک نظام موجود ہے جس کے پلیٹ فارم سے خطبات، خطابات اور تقاریر و ملاقاتوں کے ذریعے نیکی کی باتیں بچوں کے کانوں میں رس گھولتی اور اُن کی سمت درست کرتی ہیں۔ اُدھر بچہ جب بڑا ہو رہا ہوتا ہے وہ خود بھی اِن اخلاقِ حسنہ اور اخلاق ِفاضلہ کو اپنانے اور ان پر عمل کرنے کی کوشش کرتا ہے۔ قرآن.واحادیث، خطباتِ خلفاء کے علاوہ دیگر مصنفین کی اخلاقیات پر مشتمل کتب پڑھتا۔ اُن کے رنگ میں رنگین ہوتا اور ان اخلاق پر مشتمل حسین تعلیم کو اپنانے کی کوشش کر کے جماعت احمدیہ کی انگشتری میں چمکدار اور روشن  نگینے کے طورپر اپنے آپ کو سمونے کی کوشش کرتا ہے۔ اخلاقیات کی لائبریری  میں  جماعت احمدیہ کے شیلف پر آپ کو بہتر انسان بننے کے لیے ”مشاہدات“ کی آن لائن مطبوعات میں اخلاقیات پر مشتمل کتب بھی نظر آئیں گی۔ یہ پیش لفظ اِس کی تیسری کتاب کی ایک کڑی ہے جس میں اخلاقیات کے حسین گلدستہ میں سے 50 موضوعات پر تقاریر موجود ہیں۔ اس  سے قبل  اخلاقیات پر ہی 50- 50 موضوعات  پر دو مجموعے منظرِ عام پر آ چکے  ہیں  جبکہ  جلد  چہارم ترتیب و تکمیل کے مراحل میں.ہے۔وَمَا تَوْفِيقِي إِلَّا بِاللّٰهِ

 مَیں نے اس پیش لفظ کو ایک کھلی کتاب کا عنوان اس لیے دیا ہے کہ ہر انسان کے اخلاق اُس کی کھلی کتاب ہے جس سے ارد گرد ماحول میں بسنے والے دیگر لوگ استفادہ کر رہے ہوتے ہیں۔ اُس کی اِس کھلی کتاب کو یوم الحساب پر اُس کی گردن میں لٹکایا جائے گا اور اُس کے مطابق اُسے حساب دینا ہوگا ۔اس لیے ہم بچوں کو Be build up اورBe up grade  کے الفاظ بول کر سمجھاتے رہتے ہیں اور کس نے کیا خوب کہا ہے۔

Education is not only education but formation

 مَیں یہاں اپنے انگلش سپیکنگ بھائی بہنوں کےلئے اخلاق کے انگریزی معانی بھی کر دینا چاہتا ہوں Manners, Qualities, Ethics, Morals اور Code of Morality یعنی اخلاقیات۔

ہمارے آقا صلی اللہ علیہ وسلم یہ دعا کیا کرتے تھے:

اللَّهُمَّ اهْدِنِي لأَحْسَنِ الْأَخْلَاقِ لَا يَهْدِي لِأَحْسَنِهَا إلَّا أَنْتَ، وَاصْرِفْ عَنِّي سَيِّئَهَا لَا يَصْرِفُ عَنِّي سَيِّئَهَا إلَّا أَنْتَ(صحیح مسلم )

اے میرے  اللہ! میری بہترین اخلاق کی طرف راہنمائی فرما، صرف تو ہی  بہترین اخلاق کی طرف ہدایت دینے والا  ہے ، اور بُرے اخلاق مجھ سے دور کردے، صرف توہی بُرے اخلاق کو مجھ سے دور کرسکتا ہے۔

 اللہ تعالیٰ ہم سب کو آقا و مولیٰ حضرت محمد صلی اللہ علیہ وسلم کی اقتداء میں بااخلاق انسان بنائے ۔آمین

اس کتاب میں موجود  تقاریر کی تیاری میں عزیزم منہاس محمود ۔ جرمنی،عزیزم زاہد محمود، مسز عائشہ چوہدری ۔ جرمنی، مکرم حافظ عبدالحمید، عزیزم عامر محمود ملک ۔ برطانیہ، عزیزم سعید الدین احمد ۔برطانیہ ، عزیزم فضل عمر شاہد ۔ لٹویا ،مکرم عمیر احمد باجوہ ، مسز امۃ الباری ناصر ۔امریکہ،مسز عطیۃُ العلیم ۔ ہالینڈ، مسزفائقہ بشریٰ،مسز صدف علیم صدیقی۔کینیڈا، مکرمہ نمودِ سحر۔برطانیہ اور ان کے علاوہ جن احباب کے مضامین سے تقاریر کی تیاری کے دوران استفادہ کیا گیا شکریہ کے مستحق ہیں۔ جزاکم اللّٰہ خیراً

قارئین  کرام جب ان تقاریر کو پڑھیں تو مجھ سمیت اس کارخیر میں حصہ ڈالنے والے سب لوگوں کو اپنی دعاؤں میں یاد رکھیں۔ جن میں روزانہ کی بنیاد پر انہیں سرکولیٹ کرنے والے دوست احباب  بھی شامل ہیں۔ کان اللّٰہ معہم

”مشاہدات“ کی 28 ویں کاوش  آپ قارئین  کی  خدمت میں پیش ہے۔

 رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

۔خاکسار

۔۔۔ابوسعیدحنیف احمد محمود

۔۔۔۔مربّی سلسلہ حال برطانیہ

۔۔۔۔۔ ( شاہد۔ عربی فاضل)

(سابق ایڈیٹر روز نامہ الفضل  ربوہ و الفضل آن لائن لندن و نائب ناظر اصلاح و ارشاد مرکزیہ)

۔۔۔۔۔5؍نومبر 2025ء

ویب سائیٹ:             www.mushahedat.com

فون نمبر:                  +44 73 7615 9966

ای میل:                    hanifahmadmahmood@hotmail.com

---

انڈیکس

نمبر شمار	مشاہدات	عنوان	صفحہ
1	715	اللہ ہمارا بہترین دوست ہے	1
2	573	خدا ایک پیارا خزانہ ہے	6
3	304	ہم اللہ تعالیٰ سے تعلق کیسے مضبوط کر سکتے ہیں؟	14
4	791	سُبْحَانَ مَنْ یَّرَانِیْ کا نادر و نایاب نسخہ	19
5	546	احکامِ الٰہی کی حفاظت کرو تا اللہ کو اپنے سامنے پاؤ (الحدیث)	25
6	552	فَاِ نَّ الْعِزَّۃَ لِلّٰہِ جَمِیْعًا	31
7	558	توکل علی اللّٰہ	38
8	870	اَلیَّقِیْنُ قُوَّتِیْ ( حضرت محمدؐ)یقین میری قوّت ہے	47
9	926	فَبِاَیِّ اٰلَآءِ رَبِّکُمَا تُکَذِّبٰنِ پس (اے جنّ و اِنس!)  تم دونوں اپنے ربّ کی کس کس نعمت کا انکار کروگے	57
10	790	’’ زکریا والی توبہ کرو‘‘	67
11	846	وَالصَّالِحُوْنَ اِخْوَانِیْ (مسیح موعودؑ) صالحین میرے بھائی ہیں	76
12	850	سادھ سنگت( چند مثالوں کی روشنی میں)	88
13	851	صحبتِ صالحین کے ذرائع	99
14	852	صحبتِ صالحین کی اہمیت ( خلفاء کے اِرشادات کی روشنی میں)	108
15	32	(انسانی) اعمال کا دارومدار نیتوں پر ہوتا ہے	121
16	31	تقویٰ کی باریک راہوں پر قدم مارنا ضروری ہے	126
17	170	ہر اِک نیکی کی جڑ یہ اِتّقا ہے (تقریر نمبر 1)	131
18	658	ہر اک نیکی کی جڑ یہ اتقا ہے (تقریر نمبر 2)	139
19	100	جھوٹ سے اجتناب`	147
20	947	قُوۡلُوۡا قَوۡلًا سَدِیۡدًا( تقریر نمبر1)	156
21	948	قُوْلُوْا قَوْلاً سَدِیْداً (خلاصہ خطبہ جمعہ حضورِ انورایدہ اللہ فرمودہ 21؍ جون 2013ء ) ( تقریر نمبر2)	163
22	340	رمضان اور جھوٹ سے اجتناب	175
23	871	اَلصِّدۡقُ شَفِیۡعَتِیۡ (حضرت محمدؐ)صدق میرا شفیع ہے	181
24	938	معاشرتی اور اخلاقی زوال کے اسباب	190
25	633	رحمان خدا  اور اُس کے بندے	202
26	963	اسلامی مطمح نظر	212
27	637	فَاسْتَبِقُواالْخَیْرَات	220
28	636	ذاتی اصلاح کے بغیر معاشرے کی اصلاح ممکن نہیں	227
29	634	مدرسہ میرا ، میری ذات میں ہے	235
30	309	تبلیغ حق۔ اصلاح نفس کا ذریعہ	242
31	601	سامانِ زیست	248
32	33	شادی ایک مدرسہ ہے	255
33	183	شادی بیاہ کے موقع پر پردے کا معیار	263
34	321	عائلی زندگی اور حضرت مسیح موعودؑ کا بہترین اُسوہ	271
35	752	رمضان اور حسنِ معاشرت	280
36	644	غَضِّ بَصَر	287
37	64	ریاکاری، عجب  پسندی اور دکھاوا ایک گناہ ہے	296
38	65	رشتہ داریوں کا تقدس و احترام	304
39	77	نوجوانوں کو کلائیوں پر دھاگے کے بینڈ، بالی اور لاکٹ پہننے کی ممانعت	312
40	184	حجاب اترا تو پھر آنچل نہ ٹھہرا	323
41	207	نشہ آور اشیاء کی ممانعت اور اِس کے مُضِرّات	331
42	208	ذاتیں وجہ شرافت نہیں	348
43	234	شخصیت پرستی اور اس کے مضر اثرات	358
44	322	ایک احمدی مسلم بچے کی ذمہ داریاں	368
45	539	احمدی بچوں کا مقام اور ان کے فرائض	372
46	163	استغفار نہ  کرنے والا بے ادب دہریہ ہے	377
47	761	والدین کے تقویٰ کے اولاد پراثرات	387
48	645	خیالات کی ہجرت	397
49	710	رمضان اور روحانی ہجرت	408
50	716	رمضان اور نیکیوں میں آگے بڑھنے کی دوڑ	413

مکمل کتاب پڑھنے کے لئے کلک کریں