اِبۡتِغَآءِ مَرۡضَاتِ اللّٰہِ کی راہیں

اخلاقیات پر اللہ تعالیٰ نے اپنی مقدس کتاب قرآن کریم میں بہت زور دیا ہے اور پھر اللہ تعالیٰ کے برگزیدہ رسول حضرت محمد مصطفیٰ صلی اللہ علیہ وسلم نے اپنی ساری عمر صحابہؓ. کو اخلاقیات کی پیاری تعلیم دینے میں گزار دی۔  تربیت و اصلاح کے مختلف نرالے اور اچھوتے انداز سے اپنے صحابہؓ. کو اخلاقِ فاضلہ اور اعمالِ.حسنہ  سے آراستہ کیا ۔ اِس پر جتنا بھی لکھا جائے کم ہے۔ آج کے دَور کے مامور ،حضرت محمد مصطفیٰ صلی اللہ علیہ وسلم کے روحانی فرزند حضرت مرزا غلام احمد قادیانی مسیح موعود و مہدی معہود علیہ السلام نے” صحابہ سے ملا جب مجھ کو پایا “کی تعمیل میں اپنے پیروکاروں کو  صحابہ رسولؐ جیسے مبارک وجود بنانے کے لیے اپنےاصحاب کو اسلامی تعلیم سے ایسے صیقل کیا کہ آپؑ پر ایمان لانے والے  اصحاب  نے اپنی طاقت اوربساط سے بہت بڑھ کر اپنے اوپر  صحابہؓ .کا رنگ چڑھا لیا۔ حضرت مسیح موعود علیہ السلام نے اپنی تقاریر، درس و تدریس، خطبات و خطابات اور مجالسِ عرفان میں اخلاقیات پر کھول کھول کر اِس قدر نصیحت کی کہ  اخلاقیات پر آپؑ کے اس مواد کو اگر کتابی شکل دی جائے تو کئی ضخیم جلدیں تیار ہو جائیں۔

حضرت مسیح موعود علیہ السلام  کا اپنے اصحاب   میں نیکی، پارسائی اور تقویٰ کا معیار اس درجہ پر دیکھنا چاہتے تھے کہ  وہ آسمان کے چمکتے ستارے  نظر آئیں۔ آپؑ نے باوجود اخلاقیات پر اتنا  علمی، تربیتی و اصلاحی مواد مہیا کرنے کے، کامل اخلاقی تعلیم پر کتاب لکھنے کا اظہار یوں فرمایا:

”اب دیکھ لو کہ اسلام کی ہمدردی کی انتہا کیا ہے۔ میری رائے میں کامل اخلاقی تعلیم بجزاسلام کے اور کسی کو نصیب ہی نہیں ہوئی ۔ مجھے صحت ہو جاوے تو مَیں اخلاقی تعلیم پر ایک مستقل رسالہ لکھوں گا کیونکہ مَیں چاہتا ہوں کہ جو کچھ میرا منشاء ہے وہ ظاہر ہوجاوے اور وہ میری جماعت کے لئے ایک کامل تعلیم ہو اور ابتغاءِ مرضات اللہ کی راہیں اس میں دکھائی جائیں۔ مجھے بہت ہی رنج ہوتا ہے جب مَیں آئے دن یہ دیکھتا اور سنتا ہوں کہ کسی سے یہ سرزد ہوااور کسی سے وہ ۔ میری طبیعت  اِن باتوں سے خوش نہیں ہوتی ۔ مَیں جماعت کوابھی اُس بچہ کی طرح پاتا ہوں جو دوقدم اُٹھاتا ہے تو چار قدم گرتا ہے لیکن مَیں یقین رکھتا ہوں کہ خداتعالیٰ اِس جماعت کو کامل کردے گا۔ اس لئے تم بھی کوشش، تدبیر ، مجاہدہ اوردعاؤں میں لگے رہو کہ خداتعالیٰ اپنا فضل کرے کیونکہ اُس کے فضل کے بغیر کچھ بنتا ہی نہیں ۔ جب اُس کا فضل ہوتا ہے تو وہ ساری راہیں کھول دیتا ہے۔ “

( ملفوظات جلد چہارم صفحہ 218-219  )

جماعت احمدیہ میں گزشتہ 136 سالوں میں علمائے کرام نے حضرت مسیح موعود علیہ السلام کی ان تعلیمات سے استفادہ کرتے ہوئے درجنوں کتب اخلاقیات پر تصنیف کیں، سینکڑوں لیکچرز  اورخطبات دیئے۔ ان میں سب سے اہم کردار ہمارے بزرگ پانچوں خلفاء کا ہے  جنہوں نے اپنے خطبات و خطابات اور تقاریرومحافلِ عرفان میں قرآن و احادیث اور حضرت مسیح موعود علیہ السلام کےارشادات کی روشنی میں احباب جماعت کو توجہ دلائی۔ جماعت احمدیہ نے  ان ارشاد ات  کی اشاعت کرکے  دنیا پر احسان کیا تاکہ اپنے اور پرائے سب ان سے مستفیض ہوسکیں۔ ہم پورے یقین سے کہہ سکتے ہیں کہ حضور علیہ السلام کے  یہ الفاظ پورے ہوتے دکھائی دے رہے ہیں  کہ

”مَیں جماعت کو ابھی اُس بچہ کی طرح پاتا ہوں جو دو قدم اُٹھاتا ہے تو چار قدم گرتا ہے لیکن مَیں یقین رکھتا ہوں کہ خدا تعالیٰ اِس جماعت کو کامل کر دے گا۔“

(ملفوظات جلد4 صفحہ 218-219)

 ہم اللہ تعالیٰ کا شکر ادا کرتے ہیں کہ اخلاقیات کی تعلیم عام کرنے  میں ایک حقیر کوشش ”مشاہدات“ کے پلیٹ فارم سے بھی ہوئی جو ابھی بھی جاری ہے۔ اخلاقیات کو مختلف زاویوں سے اُس کے مختلف پہلوؤں کو اُجاگر کرنے کے لیے اِس سے قبل 50 تقاریر کا ایک مجموعہ منظرِ عام پر آچکا ہے جبکہ 50 تقاریر پر مشتمل یہ دوسرا مجموعہ آپ کرم فرماؤں کے ہاتھ میں ہے اور یہ بات خوش آئند ہے کہ 50 تقاریر پر جلدسوم اور 50تقاریر پر جلد چہارم تکمیل کے مراحل میں ہیں جبکہ جلد پنجم پر بھی کام کا آغاز ہو چکا ہے ۔ یوں اخلاقیات پر  اب تک 200  سے  زائد  تقاریر منظرِ عام پر آچکی ہیں۔اَلۡحَمۡدُ لِلّٰہِ رَبِّ الۡعٰلَمِیۡنَ

 اخلاقیات پر” مشاہدات” کا  یہ ذخیرہ لامحالہ قرآن و احادیث، حضرت مسیح موعود علیہ السلام اور خلفاء کے ارشادات کا مرہون منت ہے۔ اللہ تعالیٰ اِسے احبابِ جماعت کے لیے فائدے کا موجب بنائے۔ اس مفید سلسلہ کو احبابِ جماعت کی فلاح و بہبود ، روحانی نشوونما اور ازدیادِ علم و عرفان  کے لیے جاری رکھے اور اِبۡتِغَآءِ مَرۡضَاتِ اللّٰہِ کی راہیں کھولنے کا موجب ہو۔  آمین

اس میں موجود  تقاریر کی تیاری  میں جن احباب و خواتین کا خاص طور پر شکریہ ادا کرنا چاہتا ہوں  ان میں عزیزم منہاس محمود ۔ جرمنی،عزیزم زاہد محمود، مسز عائشہ چوہدری۔ جرمنی، مکرم حافظ عبدالحمید، مکرم.چوہدری ناز احمد ناصر ۔ لندن ،  عزیزم عامر محمود ملک ۔ برطانیہ، عزیزم.سعید الدین احمد ۔ برطانیہ ، عزیزم فضل عمر شاہد ۔ لٹویا ،مکرم عمیر احمد باجوہ ، مکرم نصیر احمد چوہدری، مسز عطیۃُ العلیم ۔ ہالینڈ، مسزبقعۃُ.النور عمران۔جرمنی، مسز فائقہ بشریٰ، مسز منزہ ولی سنوری۔کینیڈا اور مسزمبارکہ شاہین آف جرمنی  شامل ہیں۔

قارئین جب ان تقاریر کو پڑھیں تو مجھ سمیت اس کارِخیر میں حصہ ڈالنے والے سب لوگوں کو اپنی دعاؤں.میں یاد رکھیں۔ جن میں روزانہ کی بنیاد پر انہیں سرکولیٹ کرنے والے دوست احباب  بھی شامل ہیں۔ کان اللّٰہ معہم

”مشاہدات“ کی 27 ویں کاوش  آپ  کی  خدمت میں پیش ہے۔

 رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

۔خاکسار

۔۔۔ابوسعیدحنیف احمد محمود

۔۔۔۔مربّی سلسلہ حال برطانیہ

۔۔۔۔۔ ( شاہد۔ عربی فاضل)

(سابق ایڈیٹر روز نامہ الفضل  ربوہ و الفضل آن لائن لندن و نائب ناظر اصلاح و ارشاد مرکزیہ)

۔۔۔۔۔30؍اکتوبر 2025ء

ویب سائیٹ:             www.mushahedat.com

فون نمبر:                  +44 73 7615 9966

ای میل:                    hanifahmadmahmood@hotmail.com

---

انڈیکس

نمبر شمار	مشاہدات	عنوان	صفحہ
1	616	اسلام کی اخلاقی تعلیمات	1
2	575	اَمَرْبِالْمَعْرُوْفْ نَہِیْ عَنِ الْمُنْکَرْ	8
3	905	اِنَّمَا بُعِثْتُ لِاُتَمِّمَ مَکَارِمَ الْاَخْلَاقِ (حضرت محمدؐ ) مجھے اخلاقِ حسنہ کی تکمیل  کے لئے مبعوث کی گیا ہے(تقریر نمبر 1)	15
4	906	اِنَّمَا بُعِثْتُ لِاُتَمِّمَ مَکَارِمَ الْاَخْلَاقِ (حضرت محمدؐ ) مجھے اخلاقِ حسنہ کی تکمیل  کے لئے مبعوث کی گیا ہے (ارشادات حضرت مسیح موعودؑ کی روشنی میں)(تقریر نمبر 2)	27
5	844	حضور اکرمؐ کے ارفع و اعلیٰ اخلاق کی روشنی میں بنیادی اخلاق کی تعلیم (خلاصہ خطبہ جمعہ حضرت خلیفۃ المسیح الخامس ایدہ اللہ تعالیٰ )	40
6	124	نبی کریم صلی اللہ علیہ وسلم کے اخلاقِ فاضلہ	53
7	141	آنحضور صلی اللہ علیہ وسلم اور غصہ نہ کرنے کی تعلیم	61
8	202	آنحضرت صلی اللہ علیہ وسلم کا اپنے سسرالی رشتہ داروں سے حسن سلوک	71
9	579	آنحضور صلی اللہ علیہ وسلم بحیثیت مربی اعظم)تقریر نمبر 1)	83
10	580	آنحضور صلی اللہ علیہ وسلم بحیثیت مربی اعظم)تقریر نمبر 2)	92
11	855	ارشادات حضرت مسیح موعودؑ کی رُو سے اخلاقی بُرائیوں سے بچنے کی نصائح	99
12	762	کشتی نوح میں درج  نصائح کو روزانہ ایک بار پڑھ لیا کرو( تقریر نمبر 1)	111
13	763	کشتی نوح میں درج  نصائح کو روزانہ ایک بار پڑھ لیا کرو( تقریر نمبر 2)	121
14	631	”تیری عاجزانہ راہیں اُس کو پسند آئیں “	132
15	204	بدتر بنو ہر ایک سے اپنے خیال میں(تقریر نمبر 1)	141
16	960	بدتر بنو ہر ایک سے اپنے خیال میں(تقریر نمبر 2)	152
17	961	بد تر بنو ہر ایک سے اپنے خیال میں   (تقریر نمبر3)	160
18	789	وہی اُس کے مقرب ہیں جو اپنا آپ کھوتے ہیں	169
19	868	وَالۡعِجۡزُ فَخۡرِیۡ (حضرت محمدؐ) عاجزی میرا فخر ہے	176
20	700	دنیا میں رہنے کے لئے رُوح و صحت افزاء مقام”اپنی اَوقات“	188
21	723	رمضان اور مَنْ. کا مَنکا صاف کر	195
22	732	رمضان اور’’الغرور‘‘سے اجتناب	202
23	755	اعتدال پسندی	210
24	703	صبر بھی ایک عبادت ہے( صبر اور عبادت ، رمضان کی دو خوبصورتیاں ہیں)	226
25	362	رمضان۔ صبر ، تحمل و برداشت کا درس دیتا ہے	236
26	643	صبرواستقامت اور اِس کی  اہمیت وبرکات	242
27	757	برداشت اور صبر و حوصلہ کی اقسام	253
28	63	صبر و تحمل اور وسعتِ حوصلہ	261
29	866	اَلصَّبۡرُ رِدَائِیۡ (حضرت محمدؐ)صبر میری چادر ہے	269
30	600	بد ظنی کھا گئی ہے سبھی رشتوں کو	278
31	618	بد ظنی سے بچو	285
32	919	بہتان طرازی اور الزام تراشی۔ایک گنا ہِ کبیرہ	292
33	659	سادگی،  قناعت اور زُہد	301
34	869	اَلذُّہۡدُ حِرۡفَتِیۡ(حضرت محمدؐ)زُہد میرا پیشہ  ہے	311
35	653	پردہ پوشی ۔ چشم پوشی	320
36	917	محبت سب کے لیے نفرت کسی سے نہیں( پس منظر اور ضرورت )	330
37	587	ہمسائے کے حقوق	340
38	603	دوسروں کی تکلیف کا احساس	347
39	358	رمضان اور حقوق العباد	355
40	697	چھوٹوں پر رحم اور بڑوں کا ادب	361
41	947	”انسان ہونا، ہمارا انتخاب نہیں، قدرت کی عطا ہے“	369
42	949	احترامِ انسانیت، خدمتِ انسانیت  اور شرفِ انسانیت (از روئے قرآنِ کریم)	376
43	946	آنحضور صلی اللہ علیہ وسلم کے ارشادات کی روشنی میں  احترامِ انسانیت، شرفِ انسانیت اور خدمتِ انسانیت	388
44	638	خدمتِ خلق انسان دوستی کا دوسرا نام ہے	396
45	218	ہمارا امتیازی نشان،خدمت خلق (حضرت مسیح موعود علیہ السلام کے ارشادات کی روشنی میں)	408
46	359	رمضان اورتقویٰ لازم ملزوم ہیں	421
47	916	انسان کی انسانيت کا تقاضا-اپنے بھائی سے مُروَّت، احسان کا سلوک کرے	427
48	660	ایثارکے نمونے	437
49	602	وَرتاوا	444
50	980	ہمسایوں سے حسن سلوک	454

مکمل کتاب پڑھنے کے لئے کلک کریں