خشتِ اول

”مشاہدات“ کا سلسلہ مارچ 2023ء میں شروع ہوا اور مارچ 2025ء تک بفضلِ اللہ تعالیٰ اور باللّٰہِ.التوفیق 800 تقاریر و دروس روزانہ کی بنیاد پر تیار ہوئے جن میں سے آج 735 واں درس و تقریر ویب سائٹ www.mushahedat.com سے نمودار ہوئی ہے۔ ان تمام تقاریر و دروس کو  جو  کتابی شکل میں جاری کرنے کی بھی توفیق ملی تو اِن کی تعداد بیس (20) ہو گئی ہے۔ الحمدللّٰہ علیٰ ذالک

 آج اکیسویں کاوش کے پیش لفظ لکھنے کے لیے قلم کو حرکت دی ہے جس کا نام خاکسار نے ”خشتِ اول“ رکھا ہے یعنی پہلی اینٹ۔ یہ پہلی اینٹ اُن 50 تقاریر کا مختصر تعارف کروا رہی ہے جو یومِ مسیح موعودؑ  2025ء کے موقع پر جلد دوم کی صورت میں آن لائن ایڈیشن کے طور پر جاری کی جا رہی ہے۔ یہ 50 تقاریر اپریل 2024ء سے مارچ 2025ء کے دورانیہ میں لکھنے کی توفیق ملی ۔ مارچ 2024ء تک جلد اول کی صورت میں 50 تقاریر منصۂ شہود پر آچکی ہیں۔ الحمدللّٰہ

 حالیہ جلد دوم میں کوشش کی گئی ہے کہ حضرت مسیح موعود علیہ السلام کی تحریرات میں سے الہامی مصرعے اور  الہامی فقرے،  اشعار کے مصرعے اور اہم منتخب تربیتی ،تعلیمی و تبلیغی فقرات پر قلم اٹھا کر حضرت مسیح موعود علیہ السلام کی سیرت و سوانح اور روحانی خزائن و ملفوظات میں جاری دریا سے چند قطروں سے فیض حاصل کر کے آگے قارئین مشاہدات تک پہنچایا جائے ۔اللہ تعالیٰ قبول فرمائے اور احباب کے لیے مفید ثابت ہو۔ آمین

 اللہ تعالیٰ نے قرآنِ کریم سورت ابراہیم کی آیت 6  میں حضرت موسیٰؑ کے اپنی قوم کے نام پیغام ” ذَکِّرْھُمْ بِاَیّٰمِ اللّٰہِ“ کہ اُنہیں اللہ کے دن یاد کرواتا رہ،  کو محفوظ فرمایا ہے۔ انبیاء کی یہ سُنَّت مستمرّہ رہی ہے کہ وہ اپنے ماننے والوں کو اللہ کے فضلوں اور انعامات کے خاص دن یاد کرواتے رہتے ہیں تا اُس خدائے عزّ و جلّ کا شکریہ ادا کیا جا سکے جس نے اِن انبیاء کو کامیابیوں سے ہمکنار کیا۔ اِسی سُنَّت کی روشنی میں جماعتِ احمدیہ بھی سال بھر مختلف دن مناتی رہتی ہے اور ”مشاہدات“کو گزشتہ دو سالوں سے اِن اہم مبارک دنوں کے حوالے سے مواد تحریری و تقریری شکل کے علاوہ کتابی اشکال میں بھی مہیا کرنے کی توفیق مل رہی ہے۔ یہ 50  تقریریں اِسی تسلسل کی ایک  کڑی ہے جو یومِ مسیح موعودؑ 2025ء  کے موقع پر منصۂ شہود پر لایا جا رہا ہے ۔ اللہ تعالیٰ قبول فرمائے۔   

قارئین ”مشاہدات“ ویب سائٹ کے حوالے سے اپنے تاثرات  بیان کرتے رہتے  ہیں۔

مکرم محمد اسلم خالد صاحب۔ برطانیہ سے لکھتے ہیں:

”ماشاء اللہ آپ نے بڑا علمی میدان سجا رکھا ہے۔ رفتہ رفتہ استفادہ کی کوشش کی جائے گی۔اس جہاد میں قدم اٹھانا خدا کی دین ہے۔اللہم زد فزد۔“

مکرم رائے اطہر احمد صاحب آف بیلجیم۔ متعلم جامعہ احمدیہ برطانیہ  نے اپنے پیغام میں  کہا کہ

” آپ کے جو مضامین آتے ہیں۔  یہ ”مشاہدات“… پر روزانہ کی بنیاد پر ضرور مَیں ان میں go through ہوتا ہوں۔ پڑھتا بھی ہوں اور کبھی کبھی  اپنی  تقریر، مضمون یا کچھ بھی لکھنا ہو تو  مَیں ویب سائیٹ پر جاکر اس سے استفادہ بھی کرتا ہوں۔ اپنے ساتھیوں کے لئے کوئی تقریر لکھنی ہو یا کسی کو کچھ  مواد دینا ہو  جیسے کوئی مانگ لیتا ہے تو بہت اس سے مستفیض ہوتا  ہوں۔ اللہ تعالیٰ آپ کی اس کوشش  اور سعی میں برکت دے  اور بے انتہاء جزا دے۔ جزاکم اللّٰہ خیراً۔   “

اِس علمی مائدہ  کو آپ تک پہنچانے میں  جن احباب و خواتین کا  تعاون حاصل رہا اُن  کے نام بغرض دعا تحریرہیں۔

 مکرمہ عائشہ چوہدری  صاحبہ(جرمنی)، مکرم  زاہد محمود صاحب  ، مکرم عامر محمود صاحب (یوکے)،مکرم سعیدالدین احمد صاحب (واقف زندگی۔یوکے) ، مکرم منہاس محمود صاحب(جرمنی)،مکرمہ عطیۃُ العلیم صاحبہ(ہالینڈ) نیز وہ تمام  جن کے مضامین سے ان تقاریر کی تیاری میں مدد لی گئی۔ جیسے  مکرم حافظ عبدالحمید صاحب، مکرم اصغر علی بھٹی اور مسز وسیمہ اوپل آف آسٹریلیا۔ نیز مکرم فضل الرحمن صاحب ناصر پروفیسرجامعہ احمدیہ برطانیہ کا مَیں شکر گزار رہا ہوں جنہوں نے ہمیشہ حوالے تلاش کر کے مہیا کرنے میں میری مدد فرمائی۔ اِس دفعہ دیدہ زیب اور خوبصورت ٹائٹل تیار کرنے میں مکرم مقصود احمد منصور صاحب مربّی سلسلہ گیانا  نے تعاون فرمایا۔ فجزاہم  اللّٰہ تعالیٰ خیراً وکان اللّٰہ معہم

 مَیں یہاں قارئینِ کرام کا بھی شکریہ ادا کرتا ہوں جن کے ذوق و شوق  کی بدولت ”مشاہدات“ کے قارئین اور ویب سائٹ وزٹ کرنے والوں کی تعداد میں بڑی تیزی سے نمایاں اضافہ ہو رہا ہے۔ اللہ تعالیٰ ان تمام کو جزائے خَیْر دے اور قارئین کے لیے ہماری محنت کے میٹھے پھل لگیں۔آمین ۔ رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

۔۔۔۔خاکسار

۔۔۔ابوسعیدحنیف احمد محمود۔ برطانیہ

۔۔۔۔       ( شاہد۔ عربی فاضل)

۔۔۔ مربّی سلسلہ

(سابق ایڈیٹر روز نامہ الفضل  ربوہ و الفضل آن لائن لندن و نائب ناظر اصلاح و ارشاد مرکزیہ)

17؍مارچ 2025ء

ویب سائیٹ:             www.mushahedat.comفون نمبر:                  +44 73 7615 9966

---

انڈیکس

نمبر شمار	مشاہدات	عنوان	صفحہ
1	727	کَتَبَ اللّٰہُ لَأَغْلِبَنَّ أَنَا وَرُسُلِیْ	1
2	126	سر جھکا بس!مالکِ ارض و سماء کے سامنے	9
3	642	جے توں میرا ہو رہیں سب جگ تیرا ہو	18
4	794	عشقِ الٰہی وَسّے منہ پر وَلیاں ایہہ نشانی	29
5	87	خداداری چہ غم داری	40
6	791	سُبْحَانَ مَنْ یَّرَانِیْ کا نادر و نایاب نسخہ	49
7	765	پاک محمد  مصطفیؐ  نبیوں کا سردار	55
8	52	ابراہیم بنو	64
9	790	’’ زکریا والی توبہ کرو‘‘	77
10	661	وہ خدا اب بھی بناتا ہے جسے چاہے کلیم	86
11	236	آرہی ہے اب تو خوشبو میرے یوسف کی مجھے	94
12	779	مسلمانوں پہ تب اِدبار آیا       کہ جب تعلیمِ قرآں کو بُھلایا	105
13	258	جو لوگ قرآن کو عزت دیں گے وہ آسمان پر عزت پائیں گے	117
14	383	سچا رہنما قرآن شریف ہے	130
15	385	سچی تہذیب وہ ہے جو قرآن شریف نے سکھلائی	141
16	687	قرآن کے گرد گھوموں کعبہ میرا یہی ہے( تقریر نمبر1)	151
17	688	قرآن کے گرد گھوموں کعبہ میرا یہی ہے( تقریر نمبر2)	161
18	195	قرآن،جواہرات کی تھیلی ہے	170
19	4	دعا کے لیے اگر جواب جلدی مل جائے تو عموما اچھا نہیں ہوتا	180
20	780	بزہد و ورع کوش و صدق و صفا          و لیکن میفزائے بر مصطفٰی	187
21	170	ہر اک نیکی کی جڑ یہ اتقا ہے(تقریرنمبر1)	195
22	658	ہر اِک نیکی کی جڑ یہ اِتّقا ہے(تقریر نمبر2)	203
23	651	آگ ہے پر آگ سے وہ سب بچائے جائیں گے جو کہ رکھتے ہیں خدائے ذوالعجائب سے پیار	211
24	631	”تیری عاجزانہ راہیں اُس کو پسند آئیں “	223
25	214	جو خاک میں ملے اسے ملتا ہے آشنا	233
26	204	بدتر بنو ہر ایک سے اپنے خیال میں	253
27	789	وہی اُس کے مقرب ہیں جو اپنا آپ کھوتے ہیں	264
28	208	ذاتیں وجہ شرافت نہیں	271
29	88	اے میرے درخت وجود کی سرسبزشاخو!	281
30	777	”میری سرشت میں ناکامی کا خمیر نہیں“(مسیحِ موعودؑ )	280
31	652	بادشاہ تیرے کپڑوں سےبرکت ڈھونڈیں گے	300
32	98	راستی کے سامنے کب جھوٹ پھلتا ہے بھلا	310
33	793	پھر بہار آئی خدا کی بات پھر پوری ہوئی ۔۔۔۔۔۔۔۔۔۔یا پھر بہار آئی تو آئے ثلج کے آنے کے دن	317
34	764	کل چلی تھی جو لیکھو پہ تیغ دعا	325
35	655	کَشتیاں چلتی ہیں تا ہوں کُشتیاں	336
36	656	زار بھی ہوگا تو ہوگا اُس گھڑی باحالِ زار	343
37	781	صحابہ سے ملا جب مجھ کو پایا             ( تقریر نمبر 1)	354
38	782	صحابہ سے ملا جب مجھ کو پایا             ( تقریر نمبر 2)	363
39	783	صحابہ سے ملا جب مجھ کو پایا             ( تقریر نمبر 3)	370
40	784	صحابہ سے ملا جب مجھ کو پایا             ( تقریر نمبر 4)	380
41	785	صحابہ سے ملا جب مجھ کو پایا             ( تقریر نمبر 5)	387
42	786	صحابہ سے ملا جب مجھ کو پایا (تقریر نمبر 6)	397
43	787	صحابہ سے ملا جب مجھ کو پایا (تقریر نمبر 7)	408
44	788	صحابہ سے ملا جب مجھ کو پایا (تقریر نمبر 8)	419
45	483	جماعت احمدیہ کے عظیم الشان جلسہ سالانہ کی بنیادی اینٹ	430
46	5	محتاج ہے کچھ تھوڑے سے  اسے دے دو	436
47	745	حضرت مسیح موعودؑ  کا صبر و تحمّل،  ضبطِ نفس اور قوّتِ برداشت	442
48	556	تیسری عالمی ایٹمی  جنگ (حضرت مسیح موعودؑ اور خلفائے کرام کی پیشگوئیاں و ارشادات کی روشنی میں)	451
49	762	کشتی نوح میں درج  نصائح کو روزانہ ایک بار پڑھ لیا کرو( تقریر نمبر 1)	461
50	763	کشتی نوح میں درج  نصائح کو روزانہ ایک بار پڑھ لیا کرو( تقریر نمبر 2)	471

مکمل کتاب کے لئے ٹائٹل پر کلک کریں