70 تقاریربرائے خدام الاحمدیہ   

کِواڑ

”مشاہدات“ کے قارئین کے لیے یہ امر خوشی کا باعث ہوگا کہ لجنہ اماء اللہ کی 100 تقاریر اور مجلس انصاراللہ سے متعلقہ 65 تقاریر کے مجموعوں  کے بعد مجلس خدام الاحمدیہ کے لیے 70 تقاریر کا مجموعہ پیش ہے۔ یہ مجموعی طور پر ادارہ ”مشاہدات“ کا 13واں  مجموعہ ہے  اور یوں ان 13 مجموعوں  میں مجموعی  طور پر 557 تقاریرکو سمو دیا گیا ہے۔ بعض تقاریر ایک سے زائد مجموعوں میں دو بار بھی آئیں ہیں  جبکہ کل تقاریر کی تعداد 550 کے فگر کو چھو رہی ہے ۔الحمدللّٰہ رب العالمین

 نوجوان معاشرے میں کسی کمیونٹی یا قوم کے لیے ریڑھ کی ہڈی کی حیثیت رکھتے ہیں ۔یہ عمر کے اُس حصہ میں ہوتے ہیں جب جسم جہاں بھرپور طاقت رکھتا ہے وہاں کچھ کر گزرنے کے عزائم بہت پختہ ہوتے ہیں اسی لیے بانی خدام الاحمدیہ نے فرمایا تھا کہ قوموں کی اصلاح نوجوانوں کی اصلاح کے بغیر نہیں ہو سکتی اس حوالہ سے آپؓ فرماتے ہیں:

’’ مَیں نے متواتر جماعت کو اِس امر کی طرف توجہ دلائی ہے کہ قوموں کی اصلاح نوجوانوں کی اصلاح کے بغیر نہیں ہو سکتی ۔ نئی نسلیں جب تک اِس دین اور اِن اصول کی حامل نہ ہوں جن کو خدا تعالیٰ کی طرف سے اُس کے نبی اور ماموردنیا میں قائم کرتے ہیں اُس وقت تک اس سلسلہ کی ترقی کی طرف کبھی بھی صحیح معنوں میں قدم نہیں اٹھ سکتا…… خدام الاحمدیہ سے مراد یہی ہے کہ احمدیت کے خادم ۔ یہ نام اُنہیں یہ بات بھی ہمیشہ یاد دلاتا رہے گا کہ وہ خادم ہیں مخدوم نہیں۔‘‘

( الفضل 10؍اپریل 1938ء(

 اسلام کے دَور ِاول کو دیکھیں تو آنحضور صلی اللہ علیہ وسلم کے مبارک  دَورمیں آپؐ نے اسلام پر ایمان لانے والوں کی ایسی عمدہ اور نیک تربیت کی کہ دوسرے نمبر پر اسلام لانے والے جوان حضرت علی رَضِیَ اللہ عنہ بالآخر خلافت کے مقام پر فائز ہوئے اور انس، حضرتِ انس رضی اللہ عنہ کے مقام پر فائز ہو کر اسلام کی اس پیاری تعلیم کہ راز کو راز رکھیں  پر عمل کر کے تاریخ رقم کی جب والدہ نے آپؓ سے پوچھا کہ حضور صلی اللہ علیہ وسلم نے آپ کو کہاں بھجوایا تھا اور پیغام کیا تھا؟ تو یہ نوجوان جواب دیتا ہے کہ یہ راز ہے۔ اے ماں !میں نہیں بتا سکتا ۔

حضرت معوذؓ اور حضرت معاذؓ نوجوان ہی تھے جنہوں نےآناً فاناً ابو جہل پر لپک کر اُسے قتل کر دیا ۔انہی بہادر نوجوان صحابہ کی اصلاح اور تربیت کو دیکھ کر بانی مجلس خدام الاحمدیہ نے فرمایا کہ قوموں کی اصلاح نوجوانوں کی اصلاح کے بغیر نہیں ہو سکتی۔ مجلس خدام الاحمدیہ تشکیل پانے کے بعد ہمارے چاروں خلفاءنے صحابہ جیسے پختہ ایمان اور حسین اعمال والے سپوت  جماعت میں پیدا کرنے کے لیے جہاں خطبات و خطابات ارشاد فرمائے وہاں عملی اقدام بھی اٹھائے کہ آج دنیا بھر کی قریبًا تمام جماعتوں میں جانی، مالی اور عزت کی قربانی کرنے والے نوجوان خدام موجود ہیں جن کے بل بوتے پر جماعتیں مضبوط سے مضبوط تر ہو رہی ہیں۔ آپ قارئین  اِن قربانیوں اور خلیفۃ المسیح کی اطاعت کا ایک عکس، ایک تصویر اِن 70تقاریر میں دیکھ سکیں گے جس کا تسلسل 550 تقاریر کے بعد بھی ان شاءاللہ جاری و ساری رہے گا۔

 اس مسودہ کی تیاری میں میرے ساتھ نوجوان طبقہ نے تعاون فرمایا جن میں زاہد محمود، سعید الدین احمد، عامر محمود، منہاس محمود اور شہزاد احمد اشرف شامل ہیں نیز بعض مخلص خواتین نے بھی ہاتھ بٹایا جن میں مسز عائشہ منصور چوہدری، مسز عطیۃ العلیم، مسزصدف علیم صدیقی شامل ہیں۔ اللہ تعالیٰ ان تمام کو جزائےخیر عطا فرمائے۔ فجزاھم اللّٰہ تعالیٰ احسن الجزاء  فی الدنیا و الآخرۃ و کان اللّٰہ معھم و ایدھم بنصرہ۔آمین

اللہ کرے کہ  یہ مسودہ بہت سوں کے لیے فائدہ کا موجب ہو۔ رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

 حضرت خلیفۃ المسیح الخامس ایدہ اللہ تعالی فرماتے ہیں:

’’خدام الاحمدیہ کے حوالے سے بتا دوں کہ خدام الاحمدیہ کا ایک کام، بہت بڑا کام خلافتِ احمدیہ کی حفاظت بھی ہے اور اس کے لیے وہ عہد بھی کرتے ہیں…. اصل حفاظت یہ ہے کہ خلیفۂ وقت کے الفاظ کو پھیلایا جائے۔ اِن پر عمل کیا جائے۔ اِن پر عمل کروایا جائے اور نئی نسل کو سنبھالا جائے۔ صرف یہ دعویٰ کر لینا کافی نہیں کہ ہم دائیں بھی لڑیں گے اور بائیں بھی لڑیں گے اور آگے بھی لڑیں گے اور پیچھے بھی لڑیں گے۔ یہ لڑائی کا تو مسئلہ نہیں ہے۔ آج کل کی لڑائی، آج کل کا جہاد یہ ہے کہ باتوں پر عمل کیا جائے اور یہی وہ اصل کام ہے جو خدام الاحمدیہ نے کرنا ہے۔“

)خطاب 25؍اکتوبر 2019ء بمقام مہدی آباد جرمنی(

خاکسار

 ۔۔۔حنیف احمد محمود۔ برطانیہ

(سابق ایڈیٹر روزنامہ الفضل آن لائن لندن)

16؍ستمبر 2024ء

۔ بمطابق 12 ربیع الاوّل 1446 ہجری

ویب سائیٹ:             www.mushahedat.com

فون نمبر:                  +44 73 7615 9966

انڈیکس

نمبر شمار	مشاہدات	عنوان	صفحہ
1	278	ذیلی تنظیموں کا قیام اورحضرت مصلح موعودؓ کا عظیم کارنامہ	1
2	72	عہد بیعت،عہد خدام الاحمدیہ  اور معروف فیصلے کی اہمیت اور ضرورت	13
3	92	خدام الاحمدیہ کا عہد اور نوجوانوں کی ذمہ داریاں	23
4	130	جماعتی و ذیلی عہدیداران کو اپنے سپرد امانتوں کا حق ادا کرنے کی ہدایات	34
5	319	جماعتی پروگرامز،میٹنگز اور اجلاسات میں شمولیت کی اہمیت و برکات	47
6	116	قوموں کی اصلاح نوجوانوں کی اصلاح کے بغیر نہیں ہو سکتی	58
7	187	ایک مقدس عہد(حضرت صاحبزادہ مرزا محمود احمد کا ایفائے عہد)	68
8	304	ہم اللہ تعالیٰ سے تعلق کیسے مضبوط کر سکتے ہیں؟	80
9	97	اللہ تعالیٰ سے کبھی بے وفائی نہ کرنا	85
10	296	اچھے دوست بنانے کی اہمیت	96
11	160	صحبت صالح ترا صالح کند	102
12	57	تلاوت قرآن کریم کی اہمیت ،برکات اور آداب	117
13	286	ترجمہ قرآن کریم کی اہمیت	129
14	109	میرے آقاحضرت محمد صلی اللہ علیہ وسلم نوجوانوں کے لیے نمونہ	139
15	488	اسلام ، محمد رسو ل اللہؐ  کا مدرسہ ہے(حضرت خلیفۃ المسیح الثانی ؓ)	148
16	141	آنحضور صلی اللہ علیہ وسلم اور غصہ نہ کرنے کی تعلیم	156
17	123	حضرت محمد صلی اللہ علیہ وسلم کی عبادات (احادیث نبوی کی روشنی میں)	166
18	146	درود شریف کی اہمیت،فضیلت اور برکات	176
19	301	نماز میری آنکھوں کی ٹھنڈک ہے	184
20	311	خلافت ہمارے لیے مشعلِ راہ ہے	190
21	203	ہماری ساری ترقیات کا دارومدار خلافت سے وابستگی میں ہی پنہاں ہے	199
22	377	اطاعتِ خلافت کی اہمیت اور اِس کی برکات	216
23	165	خطبات امام ،ہمارے لیے ایک چراغ ہیں	228
24	206	وہی  شاخ پھل لا سکتی ہے جو درخت کے ساتھ ہو	241
25	58	درخت اپنے پھل سے پہچانا جاتا ہے	249
26	88	اے میرے درخت وجود کی سرسبزشاخو!	258
27	438	اصلاحِ نفس	266
28	291	ذاتی اصلاح کے بغیر معاشرے کی اصلاح ممکن نہیں	277
29	380	اپنے نفس کا مطالعہ کرتے رہو	283
30	143	فَاسْتَبِقُوا الْخَيْرَاتِ	294
31	28	اَلْجَنَّۃُ تَحْتَ اَقْدَامِ الْاُمَّہَاتِ	303
32	34	والدین سے حسن سلوک	311
33	65	رشتہ داریوں کا تقدس و احترام	319
34	201	دُعَاءُ الْوَالِدِ لِوَلَدِ ہٖ کَدُعَاءِ النَّبِیِّ لِاُ مَّتِہ	327
35	1	شاگرد نے جو پایا استاد کی دولت ہے	330
36	135	استاد کا ادب و احترام اور بلند مرتبہ	334
37	124	نبی کریم صلی اللہ علیہ وسلم کے اخلاقِ فاضلہ	340
38	459	ایک احمدی خادم کے اوصاف ۔ پانچ بنیادی اخلاق	349
39	127	مذہبی آزادی اور رواداری کی اسلامی تعلیم اور آنحضور صلی اللہ علیہ وسلم کا اسوۂ حسنہ	366
40	157	افواہ سازی ایک بڑی خیانت ہے	374
41	295	اچھی بات کہو یا خاموش رہو	385
42	419	لَیْسَ الْخَبَرُ کَالْمُعَایَنَۃ	389
43	331	حضرت مسیح موعودؑ کی اپنی اولاد کے حق میں دعائیں	399
44	307	اے میرے ربّ! میرے علم میں اضافہ فرما	409
45	200	مطالعہ کتب حضرت مسیح موعود علیہ السلام کی اہمیت و برکات	414
46	71	وقف زندگی کی اہمیت اور برکات	427
47	90	حضرت مسیح موعود ؑ کے ارشارات کی روشنی میں درازی عمر کا نسخہ	436
48	115	حُبُّ الْوَ طَنِ مِنَ الْا یْمَانِ	444
49	167	”میں اپنے پیاروں کی نسبت“”تو ایک ہو ساری دنیا میں“	452
50	154	اَلشَّبَابُ شُعْبَةٌ مِّنَ الْجُنُوْنِ	461
51	43	صحت مند اور تونامومن، کمزور مومن سے بہتر ہے	474
52	77	نوجوانوں کو کلائیوں پر دھاگے کے بینڈ، بالی اور لاکٹ پہننے کی ممانعت	481
53	91	خود احتسابی،ترقی کا ایک زینہ ہے	492
54	93	عمل، ایمان کا زیور ہے	500
55	99	خدمتِ دین کو اک فضل ِالہٰی جانو	509
56	98	راستی کے سامنے کب جھوٹ پھلتا ہے بھلا	517
57	170	ہر اک نیکی کی جڑ یہ اتقا ہے	524
58	188	ہیلو وین کا تہوار اور جماعت احمدیہ کی تعلیم	532
59	204	بدتر بنو ہر ایک سے اپنے خیال میں	545
60	207	نشہ آور اشیاء کی ممانعت اور اِس کے مُضِرّات	556
61	209	سوشل میڈیاکی لَت،ایک نشے سے کم نہیں	573
62	218	ہمارا امتیازی نشان،خدمت خلق (حضرت مسیح موعود علیہ السلام کے ارشادات کی روشنی میں)	597
63	220	دعوت الیٰ اللہ کی اہمیت،عظمت اور برکات	610
64	229	وقف عارضی کی ضرورت و اہمیت	627
65	412	مالی قر بانی کی اہمیت و برکات	645
66	413	باشرح چندوں کی ادائیگی کی اہمیت و برکات	651
67	231	”وقف جدید“ مقاصد اور برکات و ثمرات	659
68	217	تحریک جدید کیا ہے اور اس کے ثمرات (دفتر ششم کا شکر الہٰی اور دعاؤں کے ساتھ آغاز)	673
69	200	مطالعہ کتب حضرت مسیح موعود علیہ السلام کی اہمیت و برکات	691
70	159	آنحضور صلی اللہ علیہ وسلم کی والدین کو بچوں سے دوستانہ تعلق کی تعلیم	704

کتاب پڑھنے کے لئے ٹائٹل یا لنک پر کلک کریں