Month: 2024 جنوری

اللہ تعالی نے مامورِ زمانہ حضرت مسیح موعود علیہ السلام کے ذریعہ نئی زمین اور نیا آسمان بنانے کی پیشگوئی فرمائی ہے اور یہ ظاہر ہے کہ ایک انسان خواہ اُس کو کس قدر قوٰی اور خدا داد صلاحیتیں عطا ہوئی ہوں وہ اپنی محدود زندگی میں اِس قدر بڑا کام پایہ تکمیل کو نہیں پہنچا سکتا ہاں وہ اِس نیک کام کی بنیاد رکھ کر سعیِ بلیغ کا آغاز کر دے گا اور اِس کے پیروکار بالخصوص جانشین یعنی خلفائے کرام اِس کام کو لے آگے بڑھتے ہیں

یہ عین حقیقت ہے کہ دنیا کا نقشہ بدل کر رکھ دینے والے لوگ روز روز پیدا نہیں ہوا کرتے ۔ ہزاروں آفتاب اس عالم آب و گل کو روشنی بخش کر اُفق کے اُس پار اُتر جایا کرتے اور سال ہا سال کے بعد جا کر کہیں کوئی ایسا انقلابی وجود پیدا ہوتا ہے جس کے کار ہائے نمایاں دیکھ کر دنیا پکار اٹھتی ہے ۔
ملّت کے اس فدائی پہ رحمت خدا کرے