Month: 2024 جنوری

حضرت مصلح موعودکی ساری زندگی کا ایک ایک لمحہ اس بات کا گواہ ہے کہ آپ نے اپنے اس عہد کی تکمیل کے لئے اپنے تمام قوٰی ، استعدادیں اور صلاحیتیں صرف کرڈالیں ۔ آپ خود بھی حق تھے، حق پر رہے ، حق کی منادی کرتے رہے اور اِس کی اشاعت میں کوئی کسر نہ چھوڑی

ہر دَ ور میں ایسے با برکت وجود دنیا میں آتے رہے ہیں جنہیں اللہ تعالیٰ نے شرف مکالمہ و مخاطبہ سے مشرف فرمائے رکھا ۔ اِن میں سے ہر ایک اپنے اپنے ظرف کے مطابق خدا تعالیٰ کے فضلوں کا مورد ہوتا ہے اور انہیں اپنے جذب کرتا رہا ۔ خدا تعالیٰ کے ان برگزیدہ بندوں میں انبیاء اور مرسلین ایک خصوصی مقام رکھتے ہیں ۔ ان پَر اسرار غیبیہ اس قدر تفصیل کے ساتھ کھولے جاتے ہیں کہ گویا دن ہی چڑھ جاتا ہے ۔