Author: درویش

یوم مصلح موعود کے موقع پر 52 تقاریر
جو حضرت مصلح موعودؓ کی سیرت، سوانح و کارناموں کے علاوہ پیشگوئی مصلح موعود کی مختلف علامات پر مشتمل ہیں ، خاکسار نے حضرت امیر المؤمنین خلیفۃ المسیح الخامس ایدہ اللہ تعالیٰ کے درج ذیل ایک ارشاد کو مدنظر رکھ کر لکھیں۔ حضور ایدہ اللہ فرماتے ہیں:

”یہ (پیشگوئی مصلح موعود کی) علامتیں ہیں جن میں سے ہر ایک علامت جو ہے ایک علیحدہ تقریر کا موضوع بن سکتا ہے“

(خطبہ جمعہ 18؍فروری 2018ء)

اللہ تبارک و تعالیٰ نے قرآنِ کریم میں اپنے آپ کو نور کہا پھر اللہ کے فرستادے اِس نور سے نور لے کر اور فی ذاتہ نور بن کر اپنے سے تعلق پیدا کرنے والوں کو اِس نور سے منور کرتے ہیں یوں ایک چراغ سے دوسرا چراغ روشن ہوتے ہوئے سارا جہاں اِس نور سے جگمگ جگمگ ہونے لگتا ہے۔

یہ الفاظ حضرت مسیح موعود علیہ السلام کی مشہور و معروف پیشگوئی بابت پیدائش حضرت مصلح موعودؓ کے ہیں۔ جسے حضرت مصلح موعود رضی اللہ عنہ نے اپنے لیکچر بعنوان ’’الموعود‘‘ میں نمبر 20-21 پر بیان فرمایا ہے۔

قرآنِ کریم اللہ تعالیٰ کی وہ کتاب ہے جو ہمارے لئے ہدایت، علم وعرفان اور زندگی گزارنے کے اصولوں پر مشتمل پیغامات لیے ہوئے ہے۔ لیکن ہمیں کیسے علم ہو کہ قرآنِ کریم ہمیں کیا بتانا اور سکھانا چاہتا ہے؟ یہ تب ہی ممکن ہو سکتا ہے جب قرآنِ کریم کو ترجمہ کے ساتھ پڑھا جائے تاکہ ہم اس کی تعلیمات پر شرح صدر کے ساتھ عمل کر سکیں ۔

” پرستش کی جڑ تلاوتِ کلام الٰہی ہے۔ کیونکہ محبوب کا کلام اگر پڑھا جائے یا سنا جائے تو ضرور سچے محب کے لئے محبت انگیز ہوتا ہے اور شورشِ عشق پیدا کرتاہے۔“

قرآن کریم کا دعویٰ یہ ہے کہ اس میں سب کچھ موجود ہے۔ بنیادی اخلاق ہیں اور اس اخلاقی تعلیم سے لے کر اعلیٰ ترین علوم تک اس کتابِ مکنون میں ہر بات چھپی ہوئی ہے۔ اللہ تعالیٰ قرآن کریم میں فرماتا ہے : وَہٰذَا کِتٰبٌ اَنۡزَلۡنٰہُ مُبٰرَکٌ فَاتَّبِعُوۡہُ وَاتَّقُوۡا لَعَلَّکُمۡ تُرۡحَمُوۡنَ( الانعام:156) اور یہ بہت مبارک کتاب ہے جسے ہم نے اُتارا ہے۔ پس اس کی پیروی کرو اور تقویٰ اختیار کرو تاکہ تم رحم کئے جاؤ۔

دونوں پیشگوئیوں کا ایک دلچسپ پہلو یہ بھی ہے کہ پنڈت لیکھرام مسلسل مرزا صاحب کی ذریت کے خاتمہ کی پیشگوئی کررہا ہے۔ جبکہ حضرت مسیح موعود علیہ السلام اپنے ہاں جلیل۔القدر بیٹے کی پیدائش کی پیشگوئی کرتے ہیں ۔ اب دیکھنا یہ ہے کہ لیکھرام سے اس کے خدا کی غیرت نے کیا سلوک کیا اور خداتعالیٰ کی تائید نے کس شان کے ساتھ حضرت مسیح موعود علیہ السلام کا ساتھ دیا اور حضرت مسیح موعود علیہ السلام کو دی گئی آسمانی بشارتیں کس صفائی سے پوری ہوئیں

حضرت مصلح موعودکی ساری زندگی کا ایک ایک لمحہ اس بات کا گواہ ہے کہ آپ نے اپنے اس عہد کی تکمیل کے لئے اپنے تمام قوٰی ، استعدادیں اور صلاحیتیں صرف کرڈالیں ۔ آپ خود بھی حق تھے، حق پر رہے ، حق کی منادی کرتے رہے اور اِس کی اشاعت میں کوئی کسر نہ چھوڑی