65 تقاریر برائے انصاراللّٰہ

پیش لفظ

انسان اپنے ہر پروجیکٹ کا  پلان بنا کر آغاز کرتا ہے۔ ہم نے مکان بنتے دیکھے ہیں ۔ ہر مکان کا ایک باقاعدہ نقشہ بنتا ہے جس کے مطابق اُس کی تعمیر ہوتی ہے مگر تعمیر کے دوران یا رنیوویشن(Renovation )کے دوران مالک مکان اپنی اپنی ضرورت کے مطابق بعض تبدیلیاں کرواتے رہتے ہیں۔ یہی چیز خاکسار نے مضمون کی تحریر یا کتاب کی تیاری کے دوران محسوس کی ہے۔  ہر مضمون یا کتاب کا ایک خاکہ آغاز میں تیار ہوتا ہے۔ جس کو مد نظر رکھ کر مضمون یا کتاب لکھی جاتی ہے لیکن دورانِ تحریر ذہن و قلب اور دماغ میں دعاؤں اور درود شریف کے ذریعے بعض مزید بہتر نکات آتے ہیں اور تحریر کا بسا اوقات دھارامکمل طورپرنیا رخ اختیار کر جاتا ہے۔ یہی چیز خاکسار نے ”مشاہدات“ میں بھی محسوس کی۔ آغاز میں ذیلی  تنظیموں کی اہمیت و ضرورت کو مدنظر رکھ کر تقاریر لکھنے کا ارادہ تھا۔ آغاز بھی اس سے ہی کیا اور لجنہ  کے سوسالہ جشن پر 100 تقاریر پر مشتمل تقاریر کا ایک مجموعہ منظرِ عام پر آیا اور باقی تنظیموں جیسے مجلس انصاراللہ،مجلس خدام احمدیہ، مجلس اطفال الاحمدیہ اور ناصرات الاحمدیہ پر بھی  تقاریر کی تیاری اور اشاعت کا سلسلہ حسب پروگرام جاری رہا۔ مگر درمیان میں احبابِ جماعت کی ضرورت اور ان کے مطالبات پر مختلف عناوین پر تقاریر لکھنے کی توفیق ملتی رہی اور جماعت کے اہم دنوں کی مناسبت سے بھی تقاریر کےمجموعے تیار ہونے لگے جیسے ربیع الاول  کے موقع پر سیرت النبیؐ پرتقاریر ،یوم مسیح موعودؑ،  یوم خلافت ، یوم مصلح موعود اور رمضان کے اہم مواقع پر بھی تقاریر کے ضخیم مجموعے تیار ہو کر قارئین  سے دادِ تحسین وصول کر چکے ہیں اور یوں”مشاہدات“ کی یہ نویں کاوش منظرِ عام پر آ رہی ہے۔

اب چونکہ ذیلی تنظیموں کے دنیا بھر میں سالانہ اجتماعات کے انعقاد کا سلسلہ شروع ہونے والا ہے اس لیےضروری سمجھا کہ کم از کم انصار  اور خدا م بھائیوں کی تعلیم و تربیت اور اصلاحِ احوال کے لیے الگ الگ سےتقاریر پر مشتمل مجموعے افادہ عام کے لئے تیار کر دئے جائیں ۔ انصار بھائیوں کی عمر کے اعتبار سے ذمہ.داریوں، ضرورت اور تربیتِ اولاد پر مشتمل 65 تقاریر کو عزیزم مکرم  زاہد محمود نے کتابی شکل دی ہےاور   اِس کتاب کا خوبصورت سرورق مکرم فضل عمر شاہد لٹویا نے تیار کیا ہے۔  امید ہے انصار بھائیوں کو اپنی اپنی ضروریات کے مطابق بہت سے اہم اور ضروری مواضیع/ عناوین  پر تقاریر مل جائیں گی۔ تقریر میں یہ بات ملحوظِ خاطر رہنی چاہیے کہ متعلقہ موضوع  کو مضمون نگار ایک خاص عنوان دیتا ہے لیکن اگر اس مضمون کو بغور پڑھا جائے تو نفسِ مضمون کے اندر سے ہی یا اس سے متعلقہ مزید کئی مختلف عناوین دے کر وہی  تقریر ذرا تبدیلی کے ساتھ  کی جا سکتی ہے۔ اس لیے 651 صفحات پر مشتمل اس کتاب میں 65 تقاریر کا عنوان دیا گیا ہے لیکن اسی مواد کو مدنظر رکھ کر سینکڑوں عناوین پر تقاریر تیار ہو سکتی ہیں یا کی جا سکتی ہیں ۔ امید ہے انصار بھائیوں کے لیے یہ حقیر سی کوشش مفید ثابت ہوگی اور خدام بھائیوں کے مجموعہ کی تیاری کے لیے دعاؤں کے ساتھ خاکسار کی معاونت کریں گے۔ محرم الحرام کے سلسلہ میں جو تقاریر تیار ہو کر منظرِ عام پر آنے والی ہیں اُن کی تکمیل کے لئے بھی دعا کی درخواست کرتا ہوں۔  

”مشاہدات“ کے ذریعہ تقاریر کے منظرِ عام پر آنے سے بہت سےخیر خواہ   اپنی آراء کا اظہار کرتے رہتے  ہیں جس سے  کام میں   بہتری لانے کی طرف توجہ پیدا ہونے کے ساتھ ساتھ  حوصلہ افزائی بھی ہوتی ہے۔ جیسےمکرم مرزا نصیر احمد  صاحب چٹھی مسیح مربی سلسلہ  لکھتے ہیں:

”گزشتہ ہفتے کے روز آپ کا مالی قربانیوں والا آرٹیکل ملا اور اس کے معاً بعد ایک جماعت کی طرف سے مجھے ان کی ایک میٹنگ میں آن لائن مالی قربانیوں پر خطاب کرنے کی فرمائش موصول ہوئی۔ چنانچہ الہٰی تائید سمجھ کر مَیں نے ان کے جلسہ میں وہی تقریر پڑھ کر سنا دی جس کو بہت سراہا گیا۔ فالحمدللّٰہ و جزاکم اللّٰہ خیراً فی الدارین“

اِسی طرح مکرم بہادر علی صاحب  تحریر کرتے ہیں:

”اب تو یہی کوشش ہے کہ جو آپ بھجوا رہے ہیں ان کو جمع کر لیا جائے  ۔ کل ہی ہمارے اطفال الاحمدیہ کے اجتماع میں بچوں کو تمام تقاریر خاکسار نے آپ کے بھجوائے ہوئے مواد سے تیار کر کے دیں  ۔  آپ کی تقاریر سے ہی  بھرپور تیاری کر کے بچوں نے پیاری تقاریر کی ہیں۔“

مکرم حافظ عبدالحمید صاحب ترکی سے لکھتے  ہیں:

” تقریر کے حوالہ سے آپ بہت خدمت کر رہے ہیں۔“

تقاریر کی تیاری میں باقی معاونین کے اسماء بغرض  دعا ذیل میں درج ہیں۔

  مکرمہ عائشہ منصور چوہدری آف جرمنی۔  مکرم منہاس محمود آف  جرمنی۔ مکرمہ فائقہ بشرٰی ۔  مکرمہ عطیۃ.العلیم آف ہالینڈ، مکرم سعید الدین احمد آف برطانیہ،مکرم عامر محمود آف شیفیلڈ یو کےاورمکرم سید عمار احمد آف  جرمنی ۔

 جن احباب و خواتین کے مضامین اور کتب  سے ان تقاریر کی تیاری میں مدد لی گئی وہ  اور اِن کے علاوہ روزانہ کی بنیاد پر تقاریر کو پڑھ کر آگے  Large Scale  پر شیئر کرنے والے بھی شکریہ کے مستحق ہیں۔

 اللہ تعالیٰ ان تمام کے ساتھ ہو۔ ان کے نفوس و اموال میں برکت ڈالے اور اس سے استفادہ کرنے والوں.کے علمی رزق میں اللہ تعالیٰ برکت ڈالتا چلا جائے۔ کَانَ اللّٰہُ مَعَہُم۔  رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

۔۔خاکسار

۔۔۔۔حنیف احمد محمود۔ برطانیہ

(سابق ایڈیٹر روزنامہ الفضل آن لائن لندن)

14 جون  2024ء

انڈیکس

نمبر شمار	مشاہدات	عنوان	صفحہ
1	278	ذیلی تنظیموں کا قیام اورحضرت مصلح موعودؓ کا عظیم کارنامہ	1
2	205	مجلس انصا راللہ کا قیام اور مقاصد	13
3	44	عہد انصار اللہ اور ہماری ذمہ داریاں	30
4	176	خلافت احمدیہ سے وابستگی اور استحکام میں مجلس انصار اللہ کا کردار (عہد انصار اللہ کی روشنی میں)	35
5	300	میں اپنی اولاد کو بھی ہمیشہ خلافت سے وابستہ رہنے کی تلقین کرتا رہوں گا	44
6	434	مَنۡ اَنۡصَارِیۡۤ اِلَی اللّٰہِ	51
7	130	جماعتی و ذیلی عہدیداران کو اپنے سپرد امانتوں کا حق ادا کرنے کی ہدایات	59
8	319	جماعتی پروگرامز،میٹنگز اور اجلاسات میں شمولیت کی اہمیت و برکات	72
9	230	محبت ِالہٰی	83
10	59	اللہ کا رنگ پکڑیں	93
11	7	تعلق باللہ کے مختلف پہلو	102
12	304	ہم اللہ تعالیٰ سے تعلق کیسے مضبوط کر سکتے ہیں؟	107
13	192	صحابہ رسول رِضوانُ اللہ علیہم کا تعلق باللہ اور ذوق عبادت	112
14	126	سر جھکا بس!مالکِ ارض و سماء کے سامنے	126
15	163	استغفار نہ  کرنے والا بے ادب دہریہ ہے	134
16	39	نماز کی اہمیت و ضرورت اور انصار اللہ	143
17	55	نماز با جماعت اورمساجد میں نمازیوں کی تعداد بڑھانے کے ذرائع	151
18	40	نماز تہجد اور انصار بطور نمونہ	159
19	159	آنحضور صلی اللہ علیہ وسلم کی والدین کو بچوں سے دوستانہ تعلق کی تعلیم	168
20	81	آنحضورصلی اللہ علیہ وسلم  کا بچوں کے ساتھ شفقت و محبت بھرا سلوک	180
21	156	آنحضورصلی اللہ علیہ وسلم کی بچوں کو نصائح	187
22	251	رحمۃ للعالمینؐ اور عالَمِ اَطفال	199
23	323	حضرت مسیح موعودؑ کا بچوں سے پیار و شفقت اور اُن کی تعلیم و تربیت	210
24	331	حضرت مسیح موعودؑ کی اپنی اولاد کے حق میں دعائیں	218
25	201	دُعَاءُ الْوَالِدِ لِوَلَدِ ہٖ کَدُعَاءِ النَّبِیِّ لِاُ مَّتِہ	228
26	47	تر بیتِ اولا د اور  انصار کی ذمہ داریاں	240
27	160	صحبت صالح ترا صالح کند	249
28	248	صحبتِ صالحین (ارشادات حضرت مسیح موعودعلیہ السلام کی روشنی میں)	264
29	57	تلاوت قرآن کریم کی اہمیت ،برکات اور آداب	275
30	196	تلاوتِ قرآن  کے آداب،قرآن کی زبان سے	286
31	197	روحانی حیات کا آبِ حیات (کتب حضرت مسیح موعود ؑ کی اہمیت بزبان حضرت مسیح موعودؑ)	294
32	198	مطالعہ کتب حضرت مسیح موعود علیہ السلام کی اہمیت،ضرورت اور برکات  (ازارشادات خلفائے کرام)	305
33	199	کتب مسیح موعود علیہ السلام کی تاثیرات اپنوں اور غیروں کی نظر میں	319
34	200	مطالعہ کتب حضرت مسیح موعود علیہ السلام کی اہمیت و برکات	331
35	52	ابراہیم بنو	344
36	254	حضرت مسیح موعودؑ کی احباب جماعت کو قیمتی و زریں نصائح	357
37	90	حضرت مسیح موعود علیہ السلام کے ارشارات کی روشنی میں درازی عمر کا نسخہ	370
38	38	خطبات امام کی اہمیت و برکات اور انصار کی ذمہ داریاں	377
39	113	اِھْدِنَا الصِّرَاطَ الۡمُسۡتَقِیۡمَ	384
40	117	آنحضرت صلی اللہ علیہ وسلم کا اپنی بیویوں سے حسن معاشرت	394
41	189	حضرت فاطمہ اور حضرت علی کی شادی کے موقع پر آنحضور صلی اللہ علیہ وسلم کی دعا کے تناظر میں شادی بیاہ کے متعلق چند اسلامی تعلیمات	402
42	321	عائلی زندگی اور حضرت مسیح موعودؑ کا بہترین اُسوہ	415
43	25	پر سکون عائلی زندگی بہترین تربیت اولاد کی ضامن	424
44	27	بچوں کے رشتوں کے لیے انتخاب کے لیے زریں ہدایات	430
45	202	آنحضرت صلی اللہ علیہ وسلم کا اپنے سسرالی رشتہ داروں سے حسن سلوک	439
46	208	ذاتیں وجہ شرافت نہیں	451
47	290	ذاتی اصلاح کے لئے عملی کوششیں	461
48	293	ذاتی اصلاح کا ذریعہ خشیتِ الٰہی	471
49	291	ذاتی اصلاح کے بغیر معاشرے کی اصلاح ممکن نہیں	477
50	439	ذاتی اصلاح اور اس کی شرائط	483
51	297	ذاتی اصلاح کی اہمیت اور طریقے	494
52	309	تبلیغ حق۔ اصلاح نفس کا ذریعہ	498
53	299	عِبادِ صالحین کی صفات	504
54	302	عباد صالحین کیسے بنا جائے	512
55	380	اپنے نفس کا مطالعہ کرتے رہو	518
56	374	انصار اللہ اور انفاق فی سبیل اللہ	528
57	218	ہمارا امتیازی نشان،خدمت خلق (حضرت مسیح موعود علیہ السلام کے ارشادات کی روشنی میں)	537
58	214	جو خاک میں ملے اسے ملتا ہے آشنا	550
59	71	وقف زندگی کی اہمیت اور برکات	570
60	229	وقف عارضی کی ضرورت و اہمیت	579
61	79	جادو ،ٹونہ ٹوٹکا اور مزاروں پر جانا	596
62	43	صحت مند اور تونامومن، کمزور مومن سے بہتر ہے	604
63	143	فَاسْتَبِقُوا الْخَيْرَاتِ	610
64	234	شخصیت پرستی اور اس کے مضر اثرات	619
65	354	رمضان اور والدین کی اطاعت کا سبق	629

مکمل کتاب پڑھنے کے لئے کلک کریں