جواہرات کی تھیلی

اب باری تھی قرآن کریم کے 50 مختلف عناوین پر تقاریر جمع کرنے کی۔ اس کے لئے سب سے اول یہ مشکل ترین مرحلہ تھا کہ ہر تقریر لکھنے سے قبل اُس کے عنوان پر سوچنے کا کہ کیا قرآن کریم  جیسی عظیم کتاب پر لکھنے کا حق خاکسار سے ادا ہوسکے گا یا نہیں۔ ہر تقریر سے قبل اور دورانِ تحریر دعا کے ساتھ ساتھ استغفار اور درود پڑھ کر  رَبِّ اشۡرَحۡ لِیۡ صَدۡرِیۡo وَیَسِّرۡ لِیۡۤ اَمۡرِیۡo وَ احۡلُلۡ عُقۡدَۃً مِّنۡ لِّسَانِیۡo یَفۡقَہُوۡا قَوۡلِی، دہرانا میرا شیوہ بن چکا  تھا ۔  یہی کیفیت یہ پیشِ لفظ لکھتے وقت بھی محسوس ہورہی ہے۔ آج ابھی دعاؤں کے ساتھ پیشِ لفظ   کے لئے مضمون سوچ ہی رہا تھا کہ اللہ تعالیٰ نے یوں مدد فرمائی کہ مجلس انصار اللہ برطانیہ 2024ء کے سالانہ اجتماع پر حضور انور حضرت خلیفۃ المسیح الخامس ایدہ اللہ تعالیٰ نے اختتامی خطاب میں حضرت مسیح موعود علیہ السلام کے ایک ارشاد کی روشنی میں قرآن کریم کے محاسن، عظمتیں  اور برکات کا ذکر فرما کر قرآن کریم کی تلاوت اور اس کے ترجمہ و تفسیر پڑھنے کی طرف توجہ دلائی تو خاکسار نے شکرِخداوندی ادا کیا۔ انہی مبارک الفاظ کو مَیں اپنے پیشِ لفظ کا حصہ بناتا ہوں۔ حضور ایدہ اللہ فرماتے ہیں:

دن رات تم قرآنِ کریم کو پڑھو کیونکہ تمہاری فتح اسی کے ذریعے سے ہونی ہے۔ اس لئے سب کتابیں چھوڑ دو اور رات دن کتابُ اللہ ہی کو پڑھو۔  بڑا بےایمان ہے وہ شخص جو قرآنِ کریم کی طرف التفات نہ کرے اور دوسری کتابوں پر رات دن جھکا رہے۔ ہماری جماعت کو چاہیے کہ قرآن کریم کے شغل اور تدبر میں جان و دل سے مصروف ہوجائیں۔ اس وقت قرآن کریم کا حربہ ہاتھ میں لو تو تمہاری فتح  ہے پس اصل حقیقت قرآنِ کریم ہے۔ قرآنِ کریم کو پڑھنے کی طرف توجہ دینی چاہیے اور خاص طور پر انصار کو اس طرف نہ صرف خود توجہ دینی چاہیے بلکہ اپنے بچوں کو بھی اس طرف توجہ دلانی چاہیے تاکہ وہ بھی قرآن کریم پڑھیں اور اپنی حالتوں کو بہتر کریں۔

  (خلاصہ خطاب حضور انورایدہ اللہ)

خاکسار اپنے خداوند کریم کا شکر گزار ہے جس نے پہلے قرآن کریم  پر تقاریر کے لئے عناوین تلاش کرنے اور سوچنے کی توفیق دی۔ پھر 50 عناوین  کا چناؤ کرکے ان پر مواد اکٹھا کرنے اور کروانے کے سلسلے کا آغاز ہوا اور پھر اللہ تعالیٰ کی دی ہوئی توفیق سے تقاریر لکھ کر کمپوز کروائی گئیں۔ تب PDF بن کر مشاہدات کا نمبر لگ کر ویب سائیٹ پر اپلوڈ ہوتی رہیں  اور روزانہ کی بنیاد پر قارئین کی خدمت میں پیش کی گئیں۔  اب کتابی شکل میں رنگ برنگے پھولوں کا یہ گلدستہ احبابِ جماعت کی خدمت میں پیش کرکے خاکسار بے حد مسرت محسوس کررہا ہے۔ ایں سعادت بزور بازو نیست کیونکہ قلم کی شکستگی، الفاظ کی بے نوائی اور جذبات  کے ہجوم میں اللہ تعالیٰ نے مندرجہ  بالا امور کو کامیابی سے نبھانے کی توفیق دی۔

سب کچھ تیری عطا ہے گھر سے تو کچھ نہ لائے

 اس امید کے ساتھ  کہ شاید یہ کارِخیر خاکسار اور اُن تمام دوستوں اور بہنوں کی مغفرت کا موجب بن جائے جن کے نام ذیل میں دیئے جارہے ہیں۔

منہاس محمود، سلمان طارق خان ، سعید الدین احمد، عامر محمود، زاہد محمود،مسز عائشہ منصور چوہدری، مسزعطیۃ العلیم، مسزفائقہ بشریٰ نیز وہ سب لوگ بھی جن کے مضامین سے کسی طرح بھی ان تقاریر کی تیاری میں مدد لی گئی ہے ۔ فجزاھم اللّٰہ تعالیٰ احسن الجزاء  فی الدنیا و الآخرۃ و کان اللّٰہ معھم و ایدھم بنصرہ۔آمین

آنحضور صلی اللہ علیہ وسلم نے فرمایا ہے :

خَيْرُكُمْ مَنْ تَعَلَّمَ الْقُرْآنَ وَعَلَّمَهُ

ان بابرکت الفاظ کے ذیل میں مَیں اپنے اللہ سے امید لگائے یہ پیشِ لفظ لکھ رہا ہوں کہ ہم تمام کو ان الفاظ کے زُمرہ میں شمار کرکے  دنیا و مافیھا میں بہترین مخلوق میں شامل کرے۔ اے اللہ! تو ایسا ہی کر۔ آمین

اللہ تعالیٰ کرے کہ یہ 50 تقاریر احبابِ جماعت میں سندِ قبولیت حاصل کریں اور ہمیں آئندہ 50 کیا جس طرح قرآن کریم کے مضامین وسیع ہیں اُس کی مناسبت سے عناوین ترتیب پاکر کتب مرتب کرنے کی توفیق دیتا رہے۔ آمین

یہ ”مشاہدات“ کے  سلسلہ کی14 ویں  کتابی کڑی ہے۔ رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

قرآن کتاب رحماں سکھلائے راہ عرفاں
جو اس کے پڑھنے والے اُن پر خدا کے فیضاں

خاکسار

 ۔۔۔حنیف احمد محمود۔ برطانیہ

(سابق ایڈیٹر روزنامہ الفضل آن لائن لندن)

11؍اکتوبر 2024ء

ویب سائیٹ:             www.mushahedat.com

فون نمبر:                  +44 73 7615 9966

---

انڈیکس

نمبر شمار	مشاہدات	عنوان	صفحہ
1	76	اَلْخَیْرُ کُلُّہٗ فِی الْقُرْاٰنِ	1
2	550	تمام نصائحِ قرآنی کا مغز اور کلید ۔ دُعا	13
3	80	فضائل و برکاتِ قرآن کریم	19
4	554	قرآنِ مجید ایک عظیم الشان معجزہ	28
5	545	قرآن کریم کی دائمی حفاظت	38
6	263	قرآن کریم کے محاسن،عظمت و خصوصیات	46
7	373	قرآن راہِ نجات ہے	60
8	381	قرآن روحانی وجسمانی بیماریوں کے لئے شفا کا موجب	70
9	383	سچا رہنما قرآن شریف ہے	85
10	385	سچی تہذیب وہ ہے جو قرآن شریف نے سکھلائی	96
11	258	جو لوگ قرآن کو عزت دیں گے وہ آسمان پر عزت پائیں گے	106
12	546	احکامِ الٰہی کی حفاظت کرو تا اللہ کو اپنے سامنے پاؤ        (الحدیث)	119
13	548	آئیں! ہم اپنے آپ کو قرآن میں تلاش کریں	125
14	303	قرآنِ کریم میری زندگی کا نُور ہے	133
15	540	قرآنِ کریم کا عظیم الشان بلند مقام و مرتبہ	138
16	216	قرآن کریم کی عظمت اور اس کا مقام غیروں کی نظر میں	148
17	195	قرآن،جواہرات کی تھیلی ہے	165
18	75	کَانَ خُلُقُہُ الْقُرْاٰنَ	175
19	118	آنحضور صلی اللہ علیہ وسلم  کا عشق قرآن	182
20	106	قرآنی احکام کی روشنی میں آنحضور صلی اللہ علیہ وسلم کی ازواج مطہرات کی تعلیم و تربیت	189
21	285	تلاوتِ قرآنِ کریم کی اہمیت و برکات از روئے ارشادات حضرت مسیح موعودؑ	199
22	196	تلاوتِ قرآن  کے آداب،قرآن کی زبان سے	205
23	57	تلاوت قرآن کریم کی اہمیت ،برکات اور آداب	214
24	3	تلاوت قرآن کریم اور بعض مسنون کلمات	226
25	486	تلاوتِ قرآنِ کریم کی اہمیت وفضیلت اور آداب	231
26	487	تلاوت قرآن کریم کی اہمیت و برکات (ارشادات خلفائے احمدیت کی روشنی میں)	243
27	284	قرآن کریم کی اہمیت و برکات از ارشادات خلفائے کرام	253
28	547	خلفائے خمسہ کی خدماتِ قرآن	266
29	553	تفسیر کبیر اور اِس کے محاسن و خصوصیات	282
30	557	تفسیرِ کبیر کے بارے اپنوں اور غیروں کی  آراء	294
31	549	اللہ میاں کا خط ہے جو میرے نام آیا	299
32	286	ترجمہ قرآن کریم کی اہمیت	304
33	571	حفظِ قرآنِ کریم کی اہمیت و برکات	313
34	499	اسلامی تہذیب و تمدّن (قرآنی احکام کی روشنی میں)	323
35	132	”وہ دین ہی کیا ہے جس میں نماز نہیں؟“ (نماز کی اہمیت قرآن کریم کی روشنی میں)	330
36	422	انفاق فی سبیل اللّٰہ از روئے قرآن	338
37	551	رَحۡمَتِیۡ وَسِعَتۡ کُلَّ شَیۡءٍ	346
38	552	فَاِ نَّ الْعِزَّۃَ لِلّٰہِ جَمِیْعًا	354
39	113	اِھْدِنَا الصِّرَاطَ الۡمُسۡتَقِیۡمَ	360
40	434	مَنۡ اَنۡصَارِیۡۤ اِلَی اللّٰہِ	370
41	94	لبا س التقوی	379
42	52	ابراہیم بنو (قرآن کی رو سے)	389
43	53	قرآن میں بیان اسماعیلی صفات	402
44	420	قرآن میں مذکور جانوروں کے ناموں سے سورتوں میں اسباق	410
45	193	قرآن اور سائنس ( قرآن میں مستور پیشگوئیاں اور دَورِ حاضر کی ایجادات کا ایمان افروز تذکرہ)	421
46	384	تاثیراتِ قرآنیہ ۔ قبولِ اسلام کے واقعات	432
47	538	اصحابُ الفیل	444
48	430	امثالُ القرآن	456
49	489	چھوٹی چیزیں، بڑے نتائج(قرآن کریم کے اعتبار سے)	463
50	555	قرآنِ کریم اور تیسری عالمی ایٹمی جنگ	473

کتاب پڑھنے کے لئے سرورق پر ٹچ کریں