50 تقاریر برموقع یوم خلافت2025ء (حصہ دوم)

”مشاہدات“ کے آنگن  کا 22 واں درخت

---

بنیادی اینٹ

خلافت کے حوالہ  سے جو بھی موضوع ذہن میں آئے جیسے ضرورتِ خلافت، قیامِ خلافت، نظامِ خلافت، مقام و منصبِ خلافت،  برکاتِ خلافت، استحکامِ خلافت اور حفاظتِ خلافت نیز خلافت سے وابستگی،  خلافت سے پختہ تعلق اور پیار و محبت۔ ان تمام کو پایۂ تکمیل تک پہنچانے کے لیے جو بھی ذرائع اپنائے جائیں اُن میں سے ایک ذریعہ تحریر و تصنیف کا ہے جو پڑھنے والوں کے دلوں میں تحریر کے اپنے اپنے انداز میں اثرانداز ہو کر محبّانِ خلافت کو خلافت سے مزید قریب کرنے کا موجب ہوتی ہے۔ خلافت کے حوالہ سے تقاریر،خطبات ،درس و تدریس اور محافل و مجالس میں گفتگو جب تحریر کی صورت اختیار کر کے کتب، اخبارات،رسائل اور جرائد میں جگہ پاتی ہیں تو خلافت سے محبت و پیار اور اُس کے استحکام کے لیے ایک اثرپیدا کرتی ہیں۔ ہمارے پیارے خلفاء کے خطبات، خطابات اور گفتگو جب اخبارات، رسائل، میگزینز  اور کتب کی زینت بنتی ہیں  تو ہم ان ارشادات اور افاضات کو اپنی تقاریر، تحریرات اور مضامین  کی زینت بتاتےہیں اور شعراء ان بیان فرمودہ مضامین کو اپنے اشعار میں ڈھالتے ہیں ۔ ہماری  یہ تحریرات، یہ منظوم کلام، یہ مضامین، یہ تقاریر تا قیامت، رہتی دنیا تک، آنے والی نسلوں کے لیے خلافت  سے ہماری محبت کوبڑھانےاور اِسے مزید پختہ کرنے کا ذریعہ بنتی چلی جائیں گی ۔   خلفائے راشدین اور خلفائے احمدیت کےخلافت سے  متعلق  ارشادات  و تحریرات ہمارے دلوں میں آج بھی  وجد کی کیفیت پیدا کرتے ہیں۔خلفاء کے لئے  رضی.اللّٰہ عنہم اور رحمہم اللّٰہ تعالیٰ اور موجودہ پیارے امام کے لیے ایدہ اللّٰہ تعالیٰ و نصرہ اللّٰہ نصرًا عزیزًا کے الفاظ استعمال کر کے جہاں ان کے لیے ہم دعا گو ہوتے   ہیں وہاں اِس روحانی، علمی، اخلاقی اور للّہی خزانہ کو جمع کرنے والوں کے لیے بھی دل و جان سے دعائیں جاری رہتی ہیں کیونکہ یہ اللہ تعالیٰ کے ساتھ تعلق بڑھانے ،نمازوں کو خشوع و خضوع سے ادا کرنے، قرآن کریم کی ترنّم اور خوش.الحانی  سے تلاوت کرنے، صحابہؓ سے عقیدت و محبت کے اظہار، ارکانِ اسلام وارکانِ ایمان پر دلی گہرائیوں سے عمل پیرا ہونے کے مواقع میسر کرتی رہتی ہیں۔

قمر الانبیاء حضرت مرزا بشیر احمد صاحب  ایم اے رضی اللہ عنہ قلم کے استعمال کی اہمیت بیان کرتے ہوئے فرماتے ہیں کہ

’’ زبان کے مقابلہ پر قلم کو یہ امتیاز بھی حاصل ہے کہ اس کا حلقہ نہایت وسیع اور اس کا نتیجہ بہت لمبا بلکہ عموماً دائمی ہوتا ہے ۔ زبان کی بات عام طور پر منہ سے نکل کر ہوا میں گم ہو جاتی ہے سوائے اس کے کہ اِسے قلم کے ذریعہ محفوظ کر لیا جائے مگر قلم دنیا بھر کی وسعت اور ہمیشگی کا پیغام لے کر آتی ہے اور پریس کی ایجاد نے تو قلم کو وہ عالمگیر پھیلاؤ اور دوام عطا کر دیا ہے جس کی اس زمانہ میں کوئی نظیر نہیں کیونکہ قلم کا لکھا ہوا گویا پتھر کی لکیر ہوتا ہے جسے کوئی چیز مٹا نہیں سکتی ۔ ‘‘

(سیف کا کام قلم سے دکھایا ہے ہم نے از الفضل ربوہ 26دسمبر1958ء )

 دنیا بھر میں تحریرات کی اشاعت کے لیے جو  بہت سے ذرائع موجود ہیں اُن میں سے چند ایک کا ذکر مَیں.اوپر اختصار سے کر آیا ہوں۔ ان میں سے ایک آج کے دَور میں ”مشاہدات“  بھی خلافت کی مضبوطی.اور استحکام  کے لئے بفضل اللہ  تعالیٰ  اپنا حصہ ڈالنے کے لئے کوشاں ہے۔ جس کی ویب سائٹ حضرت خلیفۃ.المسیح الخامس ایدہ اللہ تعالیٰ کی مشفقانہ شفقت اور اجازت سے ایک  سال قبل جاری ہوئی اور مشاہدات کے دو سال کے عرصے میں 840 تقاریرو مضامین منظرِ  عام پر آچکے ہیں۔ جن میں خلافت کے عظیم و اہم موضوع پر 100 تقاریر شامل ہیں ۔ جن میں سے پہلی 50 تقاریر کتابی صورت میں ویب سائٹ  پر ”خلافت“ کے عنوان کے تحت موجود ہیں جبکہ دوسری 50 تقاریر کو کتابی شکل میں 27 مئی 2025ء کے یومِ.خلافت کی مناسبت سے احبابِ جماعت  کی خدمت میں  پیش کیا جارہا ہے جو5؍ مئی 2025ء تک ان.شاءاللہ مشاہدات کی  ویب سائٹ www.mushahedat.com پر میسر ہوگی۔

امید ہے۔ خلافت کے حوالہ سے مختلف موضوعات و عناوین  پر مشتمل یہ  100 تقاریر کا روحانی ذخیرہ  اورمائدہ دنیا بھر کے افرادِ جماعت کے ایمان و ایقان اور خلافت سے محبت بڑھانے کا ذریعہ ہوں گی اورامسال یومِ خلافت پر ان سے استفادہ بھی کیا جائے گا ۔ خلافت کی تقاریر پر مشتمل حصہ اول کا انڈیکس بھی حصہ دوم کے انڈیکس کے ساتھ دیا جارہا ہے تاکہ  احبابِ جماعت اس سے بھرپور استفادہ کرسکیں۔ کان اللّٰہ معکم و ایدکم بنصرہٖ

ان 100 تقاریر کو دو کتابوں میں مشکّل کرنے میں مکرم زاہد محمودصاحب نے بہت محنت سے کام کیا ہے۔ موصوف  صرف کتاب کو ہی تیار نہیں کرتے بلکہ روزانہ کی بنیاد پر PDF  تیار کرنے کی سعادت بھی پاتے ہیں۔ فجزاہ اللّٰہ تعالیٰ

 دوسرے نمبر پر ہماری بہن مکرمہ عائشہ چوہدری آف جرمنی ہیں جنہوں نے ان تقاریر کو کمپوز کرنے میں خوب معاونت فرمائی بلکہ نیٹ سے مواد اکٹھا کر کے اور بعض تقریر میں موقع و محل کے مطابق خلفاء کے ارشادات کو تلاش کر کے تقاریر کو مزیّن کرنے  میں اہم کردار ادا کرتی رہی  ہیں۔اس کے بعد جرمنی سے ہی مکرم منہاس محمود صاحب اور ہالینڈ سے مکرمہ عطیۃ العلیم صاحبہ اور مکرمہ فائقہ بشریٰ صاحبہ  نے کمپوزنگ میں تعاون فرمایا ہے۔ اِن تقاریر کو ویب سائٹ کی زینت بنانے میں عزیزم عامر محمود ملک صاحب آف شیفیلڈ یو کے اور عزیزم سعید الدین احمدصاحب آف یوکے تعاون کر رہے ہیں۔ اشعار کے چناؤ اور درست استعمال کے لیے مکرمہ امۃ الباری ناصر صاحبہ آف امریکہ نے تعاون فرمایا۔ فجزاہم اللّٰہ تعالیٰ

 بعض اوقات بعض جماعتی قلم کاروں کے مضامین سے مدد لی جاتی ہے وہ تمام شکریہ کے مستحق ہیں۔ خلافت.بارے حصہ دوم  میں مکرم چوہدری ناز احمد ناصر صاحب آف لندن ،مکرم عبدالسمیع خان صاحب آف کینیڈا،مکرم  منیر احمد خادم صاحب آف قادیان، مکرم ریحان احمد شیخ صاحب آف قادیان اور مکرم.شہود آصف صاحب آف گھانا  شکریہ کے مستحق ہیں ۔

آخر پر اُن احباب و خواتین کا بھی مشکور ہوں جو ویب سائٹ سے موقع و محل کے مطابق تقاریر کو لے کریاخاکسار کی واٹس ایپ کی پوسٹس  سے استفادہ کر کے ان تقاریر کو آگے اپنے عزیز و اقارب، دوست.احباب کو بھجواتے ہیں یا اپنے اسٹیٹس پر چسپاں  کرتے ہیں۔ اُن میں سے ایک مکرم نصیر احمد باجوہ صاحب آف  جرمنی اوردوسرے مکرم ڈاکٹر نصیر احمد طاہر صاحب آف ویلز برطانیہ ہیں۔  آخر پر خوبصورت ٹائٹل بنانے پر مکرم.فضل عمر شاہدصاحب آف لٹویا کا بھی مشکور ہوں۔   اللہ تعالیٰ ان تمام کے ساتھ ہو۔ فجزاہم  اللّٰہ تعالیٰ خیراً وکان اللّٰہ معہم

یہ  کتاب ”مشاہدات“ کے آنگن  کا 22 واں درخت ہے۔ رَبَّنَا تَقَبَّلۡ مِنَّا ؕ اِنَّکَ اَنۡتَ السَّمِیۡعُ الۡعَلِیۡمُ

۔۔۔۔خاکسار

۔۔۔ابوسعیدحنیف احمد محمود۔ برطانیہ

۔۔۔۔       ( شاہد۔ عربی فاضل)

۔۔۔ مربّی سلسلہ

(سابق ایڈیٹر روز نامہ الفضل  ربوہ و الفضل آن لائن لندن و نائب ناظر اصلاح و ارشاد مرکزیہ)

05؍مئی 2025ء

ویب سائیٹ:             www.mushahedat.com

فون نمبر:                  +44 73 7615 9966

ای میل:                    hanifahmadmahmood@hotmail.com

---

انڈیکس

نمبر شمار	مشاہدات	عنوان	صفحہ
1	797	نظام خلافت(تعارف ، تعریف، اہمیت اور اقسام)	1
2	443	خلافت کیا ہے اک فضلِ عظیم ربِّ رحمان ہے	11
3	805	مقامِ خلافت کی عظمت اور اہمیت	23
4	804	بزرگانِ اُمّت  کے نزدیک خلافت کی اہمیت	36
5	827	خلافت کے ذریعہ توحید کا قیام	44
6	828	خلافت کے ذریعہ وحدت ِقومی	59
7	826	خلافت کے فیوض و برکات( تقریر نمبر 2)	70
8	541	حضرت مسیح موعودؑ کے خلافت کے بارے میں اقتباسات (تقریرنمبر1)	82
9	798	خلافت از افاضات حضرت مسیح موعود علیہ السلام (تقریرنمبر2)	89
10	799	خلافت از افاضات حضرت خلیفۃ المسیح الاوّل رضی اللہ عنہ	97
11	800	خلافت از افاضات حضرت خلیفۃ المسیح الثانی رضی اللہ عنہ	105
12	801	خلافت از افاضات حضرت خلیفۃ المسیح الثالث رحمہ اللہ تعالیٰ	115
13	802	خلافت از افاضات حضرت خلیفۃ المسیح الرابع رحمہ اللہ تعالیٰ	123
14	803	خلافت از افاضات حضرت خلیفۃ المسیح الخامس ایدہ اللہ تعالیٰ	129
15	825	’’وہ( خلافت) دائمی ہے جس کا سلسلہ قیامت تک منقطع نہیں ہوگا‘‘ (دائمی خلافت کے متعلق حضرت مسیح موعودؑ اور خلفاء کے ارشادات)	142
16	829	استحکامِ  خلافت اور ہماری ذمہ داریاں	152
17	433	خلفاء کی مالی تحریکات	164
18	426	خلافت خامسہ  میں مالی قربانیوں کے چند ایمان افروزواقعات	174
19	806	تحریکات حضرت خلیفۃ المسیح الاوّل رضی اللہ عنہ	187
20	807	تحریکات حضرت خلیفۃ المسیح الثانی رضی اللہ عنہ	194
21	808	تحریکات حضرت خلیفۃ المسیح الثالث رحمہ اللہ تعالیٰ	205
22	809	تحریکات حضرت خلیفۃ المسیح الرابع رحمہ اللہ تعالیٰ	214
23	810	تحریکات حضرت خلیفۃ المسیح الخامس ایدہ اللہ تعالیٰ (تقریر نمبر 2)	223
24	811	امامِ وقت سے اِک رشتۂِ صدق و وفا رکھنا	233
25	812	دونوں طرف ہو آگ برابر لگی ہوئی                            (تقریر نمبر 1 بابت خلافتِ اُولیٰ )	243
26	813	دونوں طرف ہو آگ برابر لگی ہوئی                            (تقریر نمبر 2 بابت خلافتِ ثانیہ)	249
27	814	دونوں طرف ہو آگ برابر لگی ہوئی                              (تقریر نمبر 3  بابت خلافتِ ثالثہ و رابعہ)	259
28	815	دونوں طرف ہو آگ برابر لگی ہوئی                                (تقریر نمبر 4 بابت خلافتِ خامسہ)	268
29	547	خلفائے خمسہ کی خدماتِ قرآن	278
30	654	امن و سلامتی کے سفیر ۔ حضرت خلیفۃ المسیح الخامس ایدہ اللہ تعالیٰ	294
31	103	تجدیدِ عہد وفائے خلافت اور ہماری ذمہ داریاں	302
32	511	خلفاء کرام کی خدام الاحمدیہ سے توقعات	311
33	792	پیوستہ رہ شجر سے اُمیدِ  بہار رکھ	321
34	837	خلافت کی اساس، اطاعت  کے رُوح پرور واقعات	328
35	831	خلافت، پہرہ اور امام کی حفاظت	339
36	830	نظامِ خلافت اور زکٰوۃ	353
37	819	خلافت ، روحانی ترقیات و فیضان  کا ذریعہ	361
38	816	خلافتِ  احمدیہ اور جماعتی ترقیات	373
39	817	خلفاء کے ادوار میں جماعتی ترقیات و فتوحات (خلافتِ اولیٰ، ثانیہ و ثالثہ کے ادوار)(تقریر نمبر 1)	385
40	818	خلفاء کے ادوار میں جماعتی ترقیات و فتوحات(خلافتِ رابعہ اور خامسہ میں الٰہی تائیدات، فتوحات و ترقیات)(تقریر نمبر 2)	394
41	820	خلافتِ حقہ اور اشاراتِ الہٰیہ)خلا فتِ اولیٰ((تقریر نمبر1)	403
42	821	خلافتِ حقہ اور اشاراتِ الہٰیہ)خلافتِ ثانیہ((تقریر نمبر2)	413
43	822	خلافتِ حقہ اور اشاراتِ الہٰیہ (خلا فتِ ثالثہ)(تقریر نمبر3)	423
44	823	خلافتِ حقہ اور اشاراتِ الہٰیہ(خلا فتِ رابعہ)(تقریر نمبر4)	432
45	824	خلافتِ حقہ اور اشاراتِ الہٰیہ(خلا فتِ خامسہ)(تقریر نمبر5)	442
46	832	خلافتِ راشدہ کے خلاف سازشوں کے المناک اثرات	454
47	833	خلافت راشدہ کے خلاف سازشیں (خلافتِ اُولیٰ و ثانیہ کا ذکر)(تقریر نمبر 1)	462
48	834	خلافت راشدہ کے خلاف سازشیں (خلافتِ ثالثہ و رابعہ کا تذکرہ)(تقریر نمبر 2)	471
49	835	خلافتِ احمدیہ کے خلاف سازشوں کا بدانجام     ( خلافتِ ثانیہ کے خلاف ہونے والی سازشوں کا ذکر)	481
50	836	خلافت احمدیہ کے خلاف سازشوں کا بدانجام (خلافتِ ثالثہ اور رابعہ کا ذکر)	494

مکمل کتاب کے مطالعہ کے لیے ٹائٹل پر کلک کریں